تركي زفر وقال بقلة صبر : وحده تركب قدام ولا مافي روحه
تولين لمن شافت ان تاره مافي امل انها تقوم عناد بتركي وشافت تركي يقفل السياره نقزت قدام وبدون قصد رفسة تاره على وجهها
تاره بصراخ : آآآآآآآآآآآآآآآآآآآآآآآآه يالقرده
ضحك تركي على خوفها وحركتها العبيطه
تولين ببرائه : سوري ماشفتك
تاره بسخريه وهي تعدل طرحتها : قرده والله العظيم قرده هي انتي ترانا راكبين سياره ليش تناقزين زي البزران
تركي : تاااااااااره وش فيك على الضعيفه سيبيها في حالها
تاره وهي تنقز وتحط وجهها بينهم : هذي ضعيفه هههاي ضحكتني وانا مالي نفس اضحك بلاك ماتدري هذي بسه هي " مالقت ولا كلمه تقولها سكتت ثواني وقالت " هي و عيونها الزرق مدري الخضر قصدي آآ اللي مالها لون
تولين ضحكت
تركي : وش دخل عيونها بالموضوع
تاره ابتسمت بعبط كان فيها نشاط وودها تتهاوش مع اي احد كانت تقول هالكلام على بالها تستفز تولين
بس محد معطيها وجه وهذا اللي منرفزها
~!~!~!~!~!~!~!~!~!~!~!~!~!~!~!~!~!~!~!~!~!~!~!~!~! ~!~!~!~!~!~!~!~!~
نتعرف على
عــــائــــلــــة ابــــو تــــركــــي
كانوا عايشين بجده
قبل اربع سنوات انتقلوا للرياض لمن فتح ابوهم شركته الجديده بالرياض
كانت اول الشهور صعبه بالنسبه لهم لانهم كانوا عايشين بين بنات عمهم وعماتهم
لمن جو الرياض ماكانوا يختلطون كثير مع اهل امهم
لان كانت صلتهم فيهم متقطعه
بعد مرررو الايام والشهور قوت علاقتهم مع اهل امهم وصاروا اقرب شي لهم بالذات تاره اللي اختطلت معاهم بسرعه لان اغلب بنات العائله من سنها
وتولين كانت مستصعبه النقل للرياض لمن بدءت تتأقلم مع الوضع
تركي كان عاجبه الوضع خصوصا انه لمن كان ساكن بجده كان دايم يزور اهل امه بالرياض
وكانوا اقرب له من اهل ابوه
ابــو تــركــي : انسان حنون لابعد درجه صاحب شركات كبيره بالرياض دايم مشغول بس مو مقصر مع اولاده بشيء أولويته زوجته وعياله
دلوعته تاره لها معزه كبيره بقلبه
ام تــــركــــي : زي كل ام طيبه وحنونه على اولادها تخاف عليهم مرره حرمه اجتماعيه مووت
تــــركـــي : 22 سنه يشتغل مع ابوه بالشركه خبل وعليه طلعات غريبه ستايله سبورت وفي المناسبات يكون كااشخ بالثوب والشماغ طيب ودايم هواش مع تاره
لانهم نفس الشخصيه ويتنافسون مين يكون محط الانظار
من ناحية الشكل يخقق شعره الاسود الكثير عيونه الوسااع المرسومه وخشمه اللي مثل السيف اسمراني جسمه رياضي معضل حلو طويل ورزه مسوي سكسوكه
ومايعجبه العجب بعض الاحيان يكون زي العسل وبعض الاحيان نفسه بخشمه متقلب مزاجياً واذا عصب مايعرف احد
تــــاره : 18 سنه اولى جامعه قسم حاسب آلي عربجيه وعليها دلاخه وهبال طيوبه مرره رئيسة الشله
متحكمه بكل بزران العائله لانهم يخافون منها انسانه متهوره لابعد درجه وممكن تسوي اي شي حنونه
واللي تتشابه فيه مع اخوها عصبيتها ماترضى بالغلط خصوصا لو كان في احد يغلط عليها ولا على اخوانها ولاحتى على اي احد تعرفه
لسانها طووويل بس زي العسل
من ناحيه الشكل جمالها طفولي آآسر وهذا اللي محليها
بيضا متوسطة الطول خشمها الحاد عيونها الوساع المكحله اللي لونها مايل للعسلي الفاتح شفايفها الورديه الصغارعندها غمازتين بارزه محليتها زياده شعرها طويل صابغته بني بندقي بخصل عسليه
تــــولــــيــــن : 17 سنه ثالث ثانوي علمي شخصيتها غير مرره عن اخوانها دلوووووعه مرره وزعوله بس ترضا بسرعه وعليها بعض الاحيان دلاخه وعدم فهم وماتعصب بسرعه واذا عصبت تتحول لوحش
جمالها صارخ بيضا جسمها خوقاقي شعرها الطويل الناعم اللي صابغته باللون الاشقر عيونها الوساع الناعسه اللي لونها عاكس " عيونها شفافه تعكس الألوان اللي هي لابستها " خشمها مثل السيف شفايفها الورديه الكبار وعندها غمازه وحده بارزه " كانت ماخذه ملامح جدتها ام ابوها المتوفيه " ستايلها اجنبي متواضعه مرره وحبوبه
**&**&**&**&**&**&**&**&**&**&**&**&**&**&**&**&* * &**&**&
وصلوا بيت الجده وقف تركي السياره
تركي وهو ينزل : يلا انزلوا
تولين اللي ضحكت بصوت عالي : مايحتاج تقول she is مررره متحمسه ومن الحماس شوفها عند الباب
طالع تركي وشاف تاره سابقتهم من اول و واقفه عند الباب وتدق الجرس بأزعاج صرخ : بنت بتصحين جدتي وبتلعن خيرك