[frame="5 80"]في بالي اكون انسانه غير بس الدنيا والقدر محد يعارض طريقهم ...
ليتني ارجع بعمري كم سنه كان اغير كل شي في دنيتي
البـــــــــــــــــــارت الثــــــاني
فتحت عيونها وسمعت صوت الجهاز جنبها كان صوته عالي مرة لدرجة يضر فيها اذنها ... لفت الجهه الثانية شافت كل شي لونه ابيض .. تذكرت كل شي مرة ثانية جاها احساس انها ودها تموت في هاللحظه ولا تشووف ابوها في نظرات اللوم لها قطع عليها صوت دخول الدكتور والممرضات الدكتور راح لها ومسك يدها وقعد يقيس الظغط والممرضات يعدلون سرعة المغذي اما جوان كانت تبكي وبس ... وهي تطالع الممرضات ....
والدكتور رفعت يدها وضغطت على راسها ...
طلع الكل وبقى الدكتور واهي بس ...
الدكتور :ازيك ياامر
جوان "الحمد الله بس بلعت ريقها وقالت بغصة :وين امي ..
الدكتور:هي راحت البيت وحترقع مرة تانيه ..
جوان :طيب بابا جاهنا ..
الدكتور :لا الزاهر هو مسافر ولحد الحين مارقعش ..
جوان ودموعها في عينها :طيب دكتور انا شلوون حامل ..
الدكتور رحم حالها :يبنتي دا قضاء الله وادروه انتي متغيريش حاقه من اللي ررربك كاتبو ...
جوان ودموعها على خدها الناعم :بس دكتور شلوون اصير حامل وانا توني بنت مش متزوجه ....
الدكتور :انا عارف واحنا يوم النا للمامتك الت انها عرفت كل حاقه وحتتصرف ...
جوان لا يكوون ناوية تذبحني لالا الله يستر انشاء الله ...
الدكتور :انا حخليكي الحين وشويه وحتقي الممرضة وينألوك لغرفة الملاحزه...
جوان :طيب
رجعت راسها وحطته على المخده وهي ماتدري شنو رح يصير ...((ربي يساعدك على اللي رح تعرفينه ..))...
في شقة ســـــــــعد
توه قايم من النووم وراسه مصدع طالع الساعه كانت الساعه 11ونص اووووف اكيد ريناد في المدرسة ..الحين من يسوي لي فطوور .. راح ياخذ له دش ... ورح يطلع يفطر برى ...
في بيت ابو عمــــــــــــاد
ابو عماد كان منبطح علللى السرير وحنان تعطيه الدواء ...
حنان :تفضل يبا اشرب من الموية ..
ابوعماد :شرب الدواء الله يحفظك يابنتي ويعطيك على قد نيتك ويرسلك ولد الحلال اللي يسعدك طول العمر ..
حنان ببتسامه دافيه :انشاء الله يبا ... يلا ارتاح انت تعبان الحين ...
ابوعماد :طيب ..
طلعت حنان وهي مبتسمه ابوها كل يوم يدعي لها نفس الدعوه ... الله يطول عمرةويخليه لها .. ويحفظ اخوانها لها
((ربي يسمع منك ياحنان ...))
في بيت ابوهيثم
دخلت جنى وهي متتأففه من هالعيشه مالها خلق شي ابد ..
شافت امها واقفه حايرة في الغرفه تروح وتجي وشكلها كانت قلقانه شوي راحت لأمها وحبت راسها :خيريما فيك شي ..
امها :ابوك من طلع الصبح مارجع ولا يرد على جواله والمفرووض يجي من ساعتين ..
جنى "لا تخافين يما يمكن اهو مشغول او ماشاف جواله ...
ام جنى :مدري بس ماني مطمنه .. بس فجأه رن تلفون البيت
ردت جنى ":الو
المتصل :السلام عليكم
جنى :وعليكم السلام .؟؟
المتصل "هذا بيت ابوهيثم سعدي بن فهد ال....
جنى :ايوه
المتصل :بس ابو هيثم صار له حادث مروري شوية رضوض.. بس احنا مضطرين نشيل اللحميه عنده ... واهو بخير مافيه شي ..
جنى :شنو انت متأكد مافيه شي ..
المتصل :ايه وياليت بس يجي اي احد يوقع على عمليته ..
جنى :اوكي اهو اي مستشفى ..
المتصل :اي مستشفى ال..... يلا بالأذن ..
جنى :مع السلامه ...
جنى لفت على امها "يما ابوي بالمستشفى مافيه شي بس اللحميه عنده بيشيلونها .. لا تخافين ..
ام هيثم "بسم الله قلت اكييد فيه شي ..
جنى :لا يما مافيه شي بس يقوول انه صار له حادث والحمد الله شوية رضووض وبيشيلون اللحميه مافيه شي بس يبون احد يوقع على العملية ...
ام هيثم اخذت جوالها ودقت على هيثم اللي اهو في دوامه بنك الراحجي .. :الو هلا يما
ام هيثم :يما هيثم روح لبوك المستشفى ...
هيثم "ابوي ليه وش فيه ..
ام هيثم :مدري اللي اتصل عليهم يقول اللحميه وصار له حادث بس مافيه شي ...
هيثم :اوكي بس رسلي السايق حق سارة للجامعه ..لا يتأخر
ام هيثم:طيب انت روح الحين ونمر ناخذها معنا للمستشفى ..
هيثم "يلا مع السلامه ..
في بيت ابوســـــيف
ابو سيف :الحين وش رح نسوي مع ولدك ..
ام سيف :انا قول نزوج سيف من جوان ..احسن حل ..
ابو سيف بتكشيرة :بس البنت صغيرة ..
ام سيف بحنية :بس حتى لو اهي بنت اختي وهي بنت اخووك حرام تتركها كذا واهي حامل من ولدك خلاص خلعا تاخذه ويرضى بنصيبه ...ونصيبها .
ابوسيف :قولتك كذا ..
ام سيف حطت يدها على كتف ابو سيف :اي لازم نسوي كذا بعدين البنت موناقصها شي جمال واخلاق ..وكل شي حلو اتكل على الله يابو سيف ..
ابو سيف "ووينه ولدك سيف..
ام سيف :مدري الظاهر انه بايت في شركته ..
ابو سيف :انا مدري ليه طعته وخليته يشتغل بروحه ...
ام سيف :يابو سيف الولد كبر ولازم يشتغل بروحه ...
ابو سيف :يلا انا رايح اشوفه واكلم ابوخالد اقوله يجي من سفره اهو وولده ...
ام سيف:يوصلوون بالسلامه انشاءالله ..
ابو سيف :انشاء الله ..
طلع ابو سيف من البيت متوجه لشركة سيف اللي دايم يتواجد فيها واهو في باله انه لازم يزووج سيف من جوان وبأسرع وقت قبل ماينتشر الخبر ....
وينفضحوون ... ويكلم ابوخالد ويقوله يجي بأسرع وقت ...
في شقة سعد
سعد رجع البيت وشاف ريناد وعبد الله ...جالسين على التيفي ... على فلم في mbc4...
سعد .:سلام ..
عبدالله وريناد :وعليكم السلام ..
سعد :وين الغدا تراني جوعان حدي ...
ريناد :انا مسوية باستا احط لك كنا ننتظرك ...
سعد :اي والله ياليت ..
ريناد :حاضر بس اذا ناديت كم بسرعه تتعالو طيب ..
سعد :طيب ..
قطع عليهم رنت جوال سعد ...
سعد شاف الرقم هذا رقم ريهام :الو هلا
ريهام :بمياعه :اهلين مارح تجي اليوم السهره ..
سعد :الارح اجي اكيييد ..
ريهام :ترى جبت لك وحدة عسل بس انت تعال ..
سعد ":اوكي رح اجي يلا باااي
ريهام :هههههه باي .قلبي ...
((الله يهديك ياسعد ةتترك هالحركات اللي مالها معنى ..))
في المستشفى ..
دخل هيثم ..ووقع على اوراق ابوه وقالو له ان العمليه بعد شوي ....
هيثم :طيب انا بشوووفه بالأول ...
الدكتور :لا ممنوع لأنه الحين تحت تأثير المخدر بعدين تراها عمليه بسيطه ... وتكل على الله ربك كرييم ..
هيثم :والنعمم بالله ...
مرت فترة شاف امه وجنى وسارة جايين ..
ام هيثم :طمني على ابوك يما ...
عيثم :صار له ساعه الاربع من دخلوه ...
جلسوو في النتظار ينتظررون حد يعطيهم خبر عن ابو هيثم
في شركة سيف ..
كان جالس يوقع على المناقصات ...قطع عليه صوت السكرتير:طال عمرك الوالد الله يطول عمرك برى ..
سيف وقف :خله يدخل وش تستنى ...
السكرتير :حاضر طال عمرك ..
دخل ابو سيف بهيبته المعتاده .. راح له سيف وباس راسه وجلسه على كرسي المكتب حقه احتراما له ...
ابو سيف :اسمع ياسيف اهي كلمه وحده ومافي غيرها بنت عمك جوان رح تملك عليها اسبوع الجاي غير هذا الكلام مافي ..سيف وهو متمالك اعصابه :يبا وانا اقولك بنت عمي على عيني وراسي بس انا ماابيها تكوون زوجه لي اسمح لي يابوي ..
ابو سيف بعصبيه :عطني سبب مقنع ..
سيف :اول شي اهي بزره ثاني شي الفكرة مو داخله مزاجي يبا انت تعرف شنو يعني اتزوج من وحدة تكون حامل مني قبل مااتزوجها بعدين انا مااحب جوان ...
ابو سيف :وانا اقولك ملكتك اسبووع الجاي كد جوان صحت من الغيبوبه اللي اهي فيها ..فاهم ..
سيف وهو اعصابه بدت تفلت منه "يبا انا الحين كبرت عمري 28سنه يعني اعرف اناايش اسوي وايش مااسوي ..
ابو سيف بعصبيه وبصوت عالي :سيف كلمتي وحدة واظنك عرفتها اول ماتصحى جوان الملكه رح تصير واسبوع وبعدها الزواج مانبي الناس تحس بأن جوان حامل فاهم ...
سيف مايقدر يكسر كلمة ابوه لأن يدري اذا ابوه قال كلمه محد يثنيها وقال بهدوووءمصطنع ..:تاامر امر يابوي ..
ابوسيف رن جواله :الو هلا جد الله يبشرك بالخير لا الحين اناجاي يلا مع السلامه ..
سيف يطالع ابةه بنظرات وش صاير ...
ابو سيف:جوان صحت من الغيبوبه اليووم الصباح يعني بكرة بأذن الله نملك عليكم ...
سيف بصدمه :شنو صحت ...
ابو سيف :ايوه طلع جواله واتصل على اخوه وقال له انه لازم يأجل الشغل شوي ويجي عشااان شي ضروري ..
طبعا ابو خالد وافق يرحع بعد يومين واضطر ابو سيف يأجل الملكه لين يجي اخوووه ...
اما جوان من يوم قالو لها ان امك ماتبي تشوووفك وعمك بيزوجك ولده سيف وهي تبكي لليل ونهار ماتبي هالزواج
اهي صح تمنت هذاك اليوووم انها تتزوج سيف بس كانت تمزح ماكانت تتخيل انها رح تتجقق ابدا ...
في المستشفى ..
جوان كانت لابسة وجاهزة رح ترجع البيت الحين رح تشووف امها اللي مازارتها من هذااك اليوم ..كانت مقهورة لأن ملكتها على سيف بعد بكرة واهي ماتبي تتزوجه ابدا ..
اليوم رح تشووف ابووها واخوها اللي ماتدري ايش رح ترد عليهم اذا درو انها حامل ... جات الخدامه ..
الخدامه :missjoaaniamgotomyhoom
جوان قامت :OK
ركبت السيارة اهي مع الخدامه محد فكر يجيبها جاها السواق والخدامه ..ماتدري وش رح تلقى في البيت ..
في بيت ابوســـــــــــــيف
سيف جالس جنب حوض السباحه يشرب كوفي وكان يوقع اوراق للشركة ..ويقرى صفقتين جدد جايينه ...
نوارة:هلا بو شباب شخبارك ...
سيف ضحك على هبال اخته :هلا بنوير ..
نوارة تحك راسها وتلوي فمها :الحين انا نوير على العموم شكرا ... جلست على الطاولة اللي كان يتكي عليها ....
سيف وهو يقرص خدودها :ها وش فيك ..
نوارة :اممم مدري بس ابي ارووح اشووف جوان تكفى ودني لها ابغى اشوفها ...
سيف كشر من سمع اسم جوان ...تنهد :طيب لبسي والساعه 3ونص ابوديك بس مو تتأخرين وانتي تبدلين ..
نوارة :لالا مارح اتاخر ثواني واجي لك جاهزه ..
سيف وهو يلم الأوراق ويحطهم في شنطة الأوراق ..:يلا طيب .... نوارة نطت من الطاوله وركضت لفووق عشان تغير ملابسها ...
سيف صعد غرفته وراح ياخذ له دش ولبس بنطلوون جنز ازرق وقميص اسوود برز لونه البرونزي وعضلاته ...
خلى شعره على شكله واهو بالماي وحط له عطر .. واخذ جواله ومفتاح السيارة وطلع ...
نزل وشااف امه وابوه جالسين يتكلموون ...
ام سيف :بس المسيكينه محد راح اخذها من المستشفى اقوول حق ام خالد مري علها ووديها مو راضيه تقول هذي مو بنتي عشاان اخذها ...
ابو سيف:لاحول ولاقوة الابالله والله محد قال لها تتبناها يوم تروح كندا ...\
ام سيف:هذا الحال بعد وش نسوي ..ماتصل عليك ابو خالد .
ابو سيف:الا طيارتهم الساعه 8اليووم ..وانا رح اقووله اني رح ازووج سيف من جوان ونملك عليهم بكرة اذا حصل ..
انتي تدرين ان درى اخوي مارح يرحمها ..ورح يذبحها ..
ام سيف:ايه هذا اللي الله كاتبه ..
قطع عليهم صوت نوارة وهي ماسكه سيف من يده ... :يلا ماامي بابي بااي ..
ام سيف :وين بتروحين ..
نوارة :بروح جنب جوان تكفين يما ...
ام سيف:اجل انتظروني رح اجي معاكم ...
سيف :طيب ..
نوارة جلست جنب ابوها :بابي شنو فيك ..
ابو سيف :مافيني شي يابوك هذي اشغال الدنيا ..
نوارة :يبا لا تأذي عمرك وتعصب انشاء الله كل اللي تبيه رح يصير ...
ابو سيف ابتسم :انشاء الله خير .. لف على سيف ...
:اسمع ابيك تجي معي عشااان ناخذ عمك من المطار ونوديه للبيت ونفاتحه بالمووضووع ..
سيف بهدووء:حاضر ..
في المستشفى ...
ام هيثم :حمد الله على سلامتك يابو هيثم ..
ابو هيثم :الله يسلمك ..
هيثم :ها يبا عساك احسن الحين ..
ابو يثم :اي الحمد الله احسن ..شوي
سارة :عساك عل..قوة عمي ..
ابو هيثم :الله يقويك ..
جنى جالسه جنب ابوها على السرير وقاعده تمسح على راسه ...
ابو هيثم .. :وين فراس وفهد ..
ام هيثم :في البيت ..
ابو هيثم :جنى روحي حبيبتي جيبي فارس وفهد من البيت لايجلسوون بروحهم ..
جنى :حاضر يبا ...
ابوهيثم :امي درت اني هنا في المستشفى ..
ام هيثم :لا ماحد درى حتى هنادي مادرت ..
ابو هيثم :اي لاحد يدري اني في المستفى كلها يومين وانا طالع ...
ام هيثم :انشاء الله ...
راحت جنى تاخذ فارس وفهد من البيت ... عشان توديهم للمستشفى ...
ياترى ايش هي الأحداث اللي رح تصير مع جنى ..؟؟
في بيت ابو خالــــــــــــد
ام خالد وام سيف كانو جالسين في غرفة الضيووف ....
ام سيف :بس البنت مالها ذنب باللي صار ..
ام خالد :وانا اقوول ماعاد ابيها تصير بنتي اهي مو بنتي اصلا ليه اخذها بس صحيح انها قليلة خاتمه ...
ام سيف:طيب قصري صوتك لحد يسمعنا ..
عـــــــــــنـــــــد جـــــــــــــــــوان
كانت توها طالعه من الحمام ((الله يكرمكم))توها ماخذه دش دخلت الخدامه وقالت لها ان نوارة برى الغرفة ...
خلتها تدخل ...دخلت نوارة وسلمت عليها ....
جوان كانت عيونها في الأرض وغرقانه دموووع ..
نوارة :جوان حبيبتي اصبري انتي ايش عرفك يمكن تكون خيره لك ...
جوان ارتمت في حظن نوارة وجلست تهديها الى مانامت وغطتها وطلعت ...
شافت عمها وولده داخلين .. وابوها واقف معهم وسيف كان واقف عند الباب ...
راحت سلمت على عمها وتحمدت له السلامه بس صدمها صووت خالتها داخله ..وهي تقول ...
:وش تبي جاي خلاص جوان بزوجها لك مدامها حملت منك ابوخالد :شتقولين يامرة
ام خالد :اللي سمعته جوان حامل من سيف ولد اخووك وولد اختي .. حامل تعرف شنو يعني حامل ...
ابو خالد :لف على سيف واخوه :وش قاعده تقوول ..
ابو سيف :ام خالد خذي اختك وروحي داخل وخلي الرجاجيل يتفاهمون مع بعض ...
ام سيف خذت نوارة واختها ودخلو داخل ..
ابوخالد بعصبيه :وش اللي اسمعه يابو سيف
ابو خالد :اجلس وافهمك كل شي ...
جلس ابو سيف وجلس جنبه خالد اللي عيوونه بدت تحمر من العصبيه ...
ابوخالد :جوان طاحت مريضه من اول ماسافرت ويوم وديناها للمستشفى ..قالت .........................
ابو خالد بعصبيه :شنو بنتي حامل من ولد عمها ... شلوون
ابو سيف:علمي علمك الولد سابح في المزرعه ..وسبحت بعده جوان وصار اللي صار ...
خالد وقف وراح السيف ومسكه من قميصه :انت السبب في حمال اختي انت السبب وجلسو يتضاربوون ...
فككوهم عن بعض ...
سيف وهو يمسح الدم اللي طلع من فمه :مو انت اللي قلت لي اسبح خاطري اشووف مهاراتك في السباحه ويوم سبحت طلعت انا الغلطان ...
خالد صعد فوووق بسرعه وفتح باب غرفة جوان وشافها نايمه راح لها ومسك شعرها وقام يصارخ عليها وهي من الخووف قامت تبكي ..ماتدري وش تسوي بس كانت تحس بالكف اللي يجيها من اخوها سندها ...
ماحست الا بسيف ماسك خالد ....
سيف :خالد شنو هذا مووت البنت ...سمع صوت همسها وهي تصيح ...
خالد :اتركني انت وش دخلك ها ولا لأنك بكرة رح تتزوجها انا مالي حق عليها اطلع برى الغرفة اطلع ...
سيف ماكان شايف شي منها لأن الغرفة ظلمه ...
سحب خالد معاه وسكر باب غرفتها وطلعه معه ...
وسحبه للسيارة لأنه يبي ياخذه معاه ...
الأ يا مطول صبري ..اذوق المر من كأسه
أنا ياكم قسى دهري ..علي وكم قسو ناسه
تهنى من سلا قلبه ... مشى كلٍ على دربه
وطيت الشوك انا ودي .. ولا قبلي حدٍ داسه
كانت تبكي وبس ... يوم سمعت عمها يقووول ...
((نملك عليهم بكرة والزواج بعد ثلاثه ايام ...))
في يوم المـــــــــــــــلكه ..
ياترى ايش رح يصير يوم الملكه ...؟؟
ايش رح يصير مع جوان ...؟؟
ومني الشخصيه الجديده والمهمه في البارت الثاني ...؟؟[/frame]