[frame="10 80"]

ياللي دخلت السوق وقف بحاكيك
وش ذالعيون اللي تسوي سوايا؟؟

كهربتني بالعين والله يجـــــــازيك
نظرات شلت في ضميري خلايـــا

لولا فيوز(ن) وسط قلبي توماتيك
ما كان أعيّن من فؤادي بقايــــــا

يفصل الا من شاف هذي وهذيك
صادف مواقف من بنات القرايــا

قالــت تحمّد يوم ربي منجيــــك
ولا توقف في طريق الصبايـــــا

قلت الصبايا والمزايين تفديــك
ما شفت عينك في جميع البرايا

قالت هذي عيني عسى الله يقويك
وشلون لو تشوف باقي المزايــا؟!

لكن ما دامك ممن القلب بسويـك
رح في طريقك والنوايا مطايــــــا

ولا ترى بتعبك واعلن تحديــــك
واشوف قلبك بيتحمل حلايـــا؟؟

قلت اسمعي وان فزت؟ قالت بكافيك
على احسابي من محل الهدايــــــا

بس انتظر لحظه بسيطه وارويك
ثم اظهرت ثغرن زهته الثنايــــا

قلت انتبه ياقلب منها تووطيـك
واسمع صداه يصيح خلف الحنايا

ثم انفجر جد الفيوز التماتيـــك
وأقفت وانا اجمع بقايا الشظايــا[/frame]

الموضوع الأصلي: السوق || الكاتب: اميرة بدنيتى || المصدر: منتديات

المصدر: منتديات شمس الحب - من قسم: همس القوافي