[frame="10 80"]





آلام زوجات


هذه قصص حقيقية عن الزواج المبكر في جنوب غرب الجزيرة العربية (لا تعمم انما هي محصورة باصحابها ):
دخلت بجاشة الى المجلس وفي انتظارها ثلاث نسوة ، وبعد السلام والمصافحة .. أم حمد : وينك تاخرتي ؟ بجاشة :ظروف اللي ما تنتهي العيال اول مايشوفون العباية مدري وش يصير فيهم ، وبعدين انتم ما ستنيتوني شااااربين القهوة واكلين الحلى ، ام بدر : وفاتحين موضوع العرس ، بجاشة : افا كل ذا صاير بنصف ساعة اللي تأخرتها، أم :بدر : لا ،تونا نسأل على كل وحده تقول قصتها ، ومن اول نحاول في أم متعب ورافضه تتكلم رفضا تاما هههههه يظهر انها اسم على مسمى خخخخ.
بجاشة: اجل انا اول وحده تتكلم مو عن نفسي (توني صغنونه ههه) عن جدتي: انخطبت وعمرها 10 سنوات،وراحت بيت اهل زوجها وهي 11 سنة .. ومن عاداتهم في الزواج : لاتتم الدخلة الاعندما تكبر البنت ، ويسمون هذه الفترة: حق التربية ، والغريب أن الكل يتمسك بهذا التقليد ولا يخالف ،لان الجميع يعيبون عليهم ،والبنت تعيش بينهم كفرد من افراد الاسرة ،وتشتغل في البيت وترعى وتجيب الماء ...وتمت دخلت جدتي لما بلغت 14 سنة (خخخخ) وتقول :انه شيء عادي ...عاد ياأم حمد ما صدقت هالكلام ومسكتها على جدتي كل ما امزح معها أقولها : ها من وراءنا مسوين قصة حب ههههههه


بجاشة :جاء دور مين هالحين
أم بدر : ياللا ،أنا ،من 20 سنة عائلتي انتقلت من القرية الى الرياض ،
ودرست الى 3 ث
وجاء ذاك الغني
يخطبني لابنه اللي توه مخلص 3 م (بزر )
تدرون ليش ؟
علشان أبوه يقول: الخير كثير ، والبيت واسع ،
وأريد أشوف عياله يلعبون قدام عيوني .
هههههههه
وطبعا أبوي طمع بالمهر .
المهم أول ماجينا من حفلة العرس تركني وراح ينام مع اخوانه .
وجلسنا كذا حدود السنة
ثم صار ينام بغرفتي يوم و يغيب 4 أو 3 اسابيع ومرة شهرين
وجلسنا على هالحال 3 سنوات
والله بزر...اخذ مصروفي من ابوه ..وادخل واخرج مع أمه..واقعد اسولف واضحك مع اخواته .. والله بزر .
هههههههه ..توته توته خلصت الحدوته
بجاشة :لاه لاه تونا...شلونه معك هالحين؟ ....ام بدر : هو في وادي وانا في وادي وبينا العيال ..
ياللا عاد خلاص ..



ها ياأم أحمد وش قصتك؟ ....هااااااااا لا تتهربين.
أم أحمد : آاااااه لازم تذكروني ..تراها أيام وياااالها من أيام ..
عذاب في عذاب .. يارب ما تشوفها ولا حرمه من ما كانت .
بجاشة : لهذه الدرجة ؟
أم أحمد : وزيادة ( تنهدت ) لازم لازم ..
أم متعب : لازم لازم ..
أم أحمد :من 25 سنة جاء واحد خطبني ، وكان عمري 11 سنة..
والوالد وافق ..وتمت العقده (الملكة )على اساس حق التربية 3 سنوات ..
وبعد اسبوع
وفي ذاك اليوم (الله لايعوده على احد ) راح الوالد الشغل
وخرجت الوالدة تسير على الجيران من اذان العصر الى المغرب..
المهم بعد طلوعها بنصف ساعة اندق الباب ..
فتحت اللا هو العريس ..سالني : وين أمك؟ (كأنه كان يراقب البيت )
رديت : عند الجيران ...فأ خذ يتكلم ويسولف ..
وانا عادي طفلة ماااافهم شيء ومادريت الا وأنا في غرفة أمي ..
ممددة على السرير... وشوي حسيت كأن أحد طعني
بسكين من أسفل و وصلت الى حلقي ..
وما دريت عن الدنيا شيء الا أن أمي دخلت الغرفة ويوم شفتها ذاك الوقت
ساحت دموعي.....وقامت أمي تصارخ وتحضني و تولول ..وجاءت جارتنا تركض ..
ثم قامت الثنتين يبكون علي وتبعهم اخواني (الصغار) بالبكاء (ولاهم يعرفون شيء)..
والنهاية انه بعد سنة قرر الوالد ان اذهب الى بيت الزوجية :
بحكم أني ...آاااااه...ذقت طعم الحياة الزوجية ..
وعشت حياتي كلها طق : صباحا مساءا... والشبابيك والبواب مغلقة..
لا طلعه ولا دخله .....وانجبت منه طفلين...ثم تم الخلع مقابل :
ان نرجع له نصف المهر وان اتنزل عن الطفلين..
ثم حرمني منهما سنين طويلة حتى كبروا وجاءوا لزيارتي بأنفسهم .
....تدرون وش سوى انتقل الى منطقة بعيييييييييييييدة ....
بجاشة : اهيء اهيء..وهالحين كيف حالك ؟
أم أحمد : الحمد لله بعد الصبر ربي الكريم رزقني زوجا صالحا وابناء بارين الحمد لله .




وهكذا انفض مجلسنا على البكاء و الاستغفار .



وبعد عدة أيام :

نورة :سمعت انك اجتمعتي مع شلة المتزوجات وهن صغار .
بجاشة : هههههه ..الحمد لله ، ولاه سمعت قصص تعور القلب
(استغفر الله )في شيء .
نورة : ايه .
بجاشة :لا تقولين انك بعد مثلهن ؟
نورة : الله يعين ..
بجاشة : اجل هاتي قصتك .
نورة :ياوخيتي كالعادة انخطبت وأنا بنت 10 سنوات .. واتفقوا على حق التربية لمدة 4سنوات ..ولما بلغت
11 سنة انتقلت من بيتنا الى بيت الزوجية ..وهو عبارة عن بيت كبير فيه حماتي وحماي ودرزن عيال، وعندهم ولد واحد متزوج وساكن معهم ..اييييه نسيت أقول لك أن اللي تزوجته : مطلق وماعنده اطفال ..المهم كنت أنام وأقوم مع بناتهم ، وروح مرةالمزرعة ومرة اجيب الماء ومرة أحش الحشيش واحمل الحطب ومرة احلب البقرة واعتني بها .. وطافت سنة وأنا على هالحالة ..
وفي فجر يوم من الايام جاءت حماتي وقالت لي :

لا تروحين المزعة اليوم اقعدي في البيت ،أريدك في شغل .

ولما خرج الجميع يطلب الله ..طلبت مني اصلح فطور واجيبه لغرفتها .. فسويته ولما رحت لها طلبت مني اجيب لها غرض من الغرفة العلوية (فوق بالسطح)..
صعدت و دخلتها وللا لقيت زوجي مستنيني ..تفاجأت ..المهم أخذ حقه مني ومارسه معي كأني حرمه بالغة ..
وما رحمني .. تخيلي هو مطلق وعنده تجربة وأنا صغنونة ما أوعى شيء
صدقيني من شدة الآلم : سكت..ولا حرف طلع من حلقي ..كنت صامتة غاضبة ..بس من جوه لو واحد يدخل
في صدري ويعرف وش اللي فيه ليموت من القهر علي ..
المهم يوم خلص زوج الهنى (هه) قمت وبلا وعي وركضت الى غرفة حماتي ولقيتها تصلي وتوها رافعة من السجود .. وأعطيها ذاك الكف اللي حسيت أن فكها انخلع بيدي الصغيرة..ثم انهرت وبكيت وصرخت ودموعي تصب صب وسبيت وتكلمت كثير ..ما أدري وش قلت ..بس اللي أذكره أني كنت كل شوي اشرق بسعابيلي ..

بجاشة : لا حول و لاقوة الا بالله.

نورة : والغريب أنها سكتت ..ولا قالت ولا كلمة .. تصدقين ..
ومن يومها أخذني العناد..تسلطت على كل العائلة من كبيرهم الى صغيرهم .. لساني طويل ..
وما في شغل ..اللي أريده أسويه..واللي ما أبغاه ما أزينه ..كل شيء بكيفي وبقوة والعين صوب العين..
ومرت 3 سنوات ..يعني تميت ال 15 سنة بالتمام ..انتقلت الى منزل لوحدي ، وبعد عدة سنوات جينا الرياض .

بجاشة : وكيف علاقتك بزوجك و أهله هالحين ؟
نورة : زوجي طلع من النوع اللي ما يجي الا بالعين الحمرة .. أما حماتي فأنا مستغربت لها .
بجاشة : ليش ؟
نورة : سااااكتة ..من يوم اللي صار وهي ساااكتة بس تناظر فيني بعيون ما عرفت معناها الا بعد سنين .
بجاشة : المعنى
نورة : أظن - والله أعلم -أنه صار لها مثل اللي صار لي ، بس هي سكتت وأنا فتحت فمي ، ويظهر أنها انعجبت فيني يعني أنا سويت شيء هي ما قدرت تسويه ..هي فضلت الصمت بينما أنا كانت ردت فعلي قوية أصابت الجميع بدهشة .. والا لكان في مقدورها أن تطلب من ابنها أن يطلقني ولكن لم تفعل ..
هاااا يعني انعجبت بشخصيتي وللا لا ؟
بجاشة : كل شيء جائز ..وش مسويه مع بناتك ؟
نورة : لا غير ... علم و نور .. ومتابعة مني .. حتى زوجي في موضوع الزواج المبكر
تغيرت نظرته وأصبح أكثر وعيا
والحمد لله .. والله يستر على بناتي و بنات المسلمين .

.. .. .. .. .. .. .. .. .. .. .. .. ..


أرجو أن تنال اعجابكم من حيث : الشخصيات والبيئة الاجتماعية.. والاطلاع على عادة وتقليد : الزواج المبكر..
فلو أن الازواج في المقطع 2-3-4 :صبروا وتقيدوا بحق التربية - كما أقرها المجتمع -لما تعرضت هؤلاء النسوة الى الاغتصاب الزوجي .
ولكن بتغير المجتمع وظروفه ومؤثراته فهذه العادة على وشك -ان شاء الله - أن تزول .




* على كل من يقرأ اتمنى ان يترك بصمته






[/frame]

Nghl .,[hj Hlhl .,[hj