تكملة البارت السادس عشر
بعد يومين
:::
:::
:::
صحيت .. لقيتهم كلهم حوالي ..
امي
ابوي
سعود
امي كانت تبكي بحسرة
ابوي كاسية الحزن
سعود حاله نفس حال ابوي
كنت ادوره بعيوني .. ابي اجوفه .. ليش مو موجود معهم ..
همست : وين فيصل
سعود : البــــــــــقـــــــــيــــــــــة بـــــــحــــــيــــاتــــج يـــــآ اخــــــتــــــــــي
انتفض جسدي .. ابي احد يصحيني من هذا الكابوس .. و اخيرة امتدت يد لي تكسر الضلام و الكابوس الرهيب الي انا فيه .. فتحت عيني بشويش .. تسللت اشعة الى عيني .. اغمضت عيني منزعجة .. رائحة المعقمات .. يا كرهي لها .. تذكرني باليوم المنحوس .. لما ابوي اجبرني عليه .. و يا ليته ما اجبرني .. ناضرتهم .. حالهم ما يختلف عن الحلمة .. دورته بعيوني .. فعلا ما كان موجود ..
تمنيت ان ما تكون اخر كلمة صح .. يا رب .. كانت موجود ..
فـــــقــــــط
امي. ...
ابوي
سعود
سألتهم و اتمنى تكون الاجابة غير الكابوس ..
ريناد : وين فيصل ..
ناضرو بعض و استلزمو السكوت
صرخت فيهم : ويـــــــــن فـــــــصــــيــــل .. صاده شيء .. مات .. ؟! كله مني .. انا السبب .. قولولي وين فيصل ... ؟!
ماحد رد علي ..
قمت من السرير الابيض بصعوبة.. ناضرت السلك الممدود ليدي .. شلته .. نزفت يدي دم .. بس ما همني .. مشت بخطوات غير متوازنة .. و بتعب .. تسندت على الجدار تستمد قوتها شوي .. و بعدها مشت متوجهه للباب .. عارض طريقها سعود ..
سعود : رجعي مكانج .. مو زين لصحتج .. مسكها من زنودها بهدوء .. دفته عنها بعنف ..
ريناد بحزم : قلت لكم وين فيصل .. و ما جاوبتوني .. انا رايحة اسال عنه
سعود : استعيذي بالله .. و ارجعي مكانج
ريناد بصراخ : وين فيصل ؟!
سعود : في العناية ..
ريناد .. الف علامة ظهرت على ويها .. بس و لا وحدة تعبر عن الراحة و الاطمئنان .. و شلون ترتاح .. و معشوقها بين الحياة و الموت .. : شلون يعني في العناية .. فتحت الباب بقوة .. و خرجت خارج الغرفة .. تجمعوا عليها الممرضات يمنعونها من اثارت الفوضى في المستشفى ..
ريناد بصراخ هستيري : وين فيصل .. وينه .. ليش خذيتوه مني ..
عطوها حقنة مخدرة .. و بعدها .. ذهبت لعالم الاحلام مع فيصل ....
__________________________________________ __________________________________________
سعود
قبل يومين نزلت فرحان بقول لامي تخطب لي جنى .. و لكن ما حدث لم يكن من المتوقع .. اتصلو المستشفى و خبرونا بالي صاير .. نزلت دموعي .. هذي الغالية .. و الله لو تطلب عمري ما بخلت عليها .. و لو تنقسم الروح نصين اهديتها نصي بدون شك .. امي بس جافت دموعي انجنت .. بعدها عرفت بحال ريناد و فيصل .. صارت تبكي بهستيريا على حالهم .. رحنا للمستشفى .. و هناك تلقينا الخبر المفاجأ عن حال فيصل .. املنا بالله كبير يتعافى .. بس حالته صعبة .. و احتمال تشافيه قليلة جدا .. فورا خطر في بالي ريناد .. شنو راح يصير فيها لما تسمع الخبر .. بعدها حظر بو فيصل .. معه جنى .. كانت تبكي مثل المجنونة كلما تمسح دمعة تنزل بدالها فيضانات من الدموع .. ودي اروح لها و اضمها و اهديها و اقول لها لا تبكي تراني معاج.. بس العين بصيرة و اليد قصيرة .. و بعد يومين .. صحت ريناد .. سألتنا سؤال صعبة اجابته " وين فيصل " .. إذا ردينا عليها راح تنهار .. فألتزمنا السكوت .. خوف من انهيارها .. و لكن صرخت بنا .. ففضلت اخبارها .. اصدمتني بهيجانها لخارج الغرفة .. و الحمدلله قدرو يمسكونها الممرضات .. و عطوها خقنة مخدرة .. تمتمت بكلما غير مفهومة .. و بعدها تخدرت كليا ..
ماتوقعت اختي تحبه بهذي الدرجة .. خصوصا انها مجبورة عليه .. تمنيت من قلبي يصحى و يجوف الي صار لاختي لما سمعت خبره ... و يجوف خوفها .. حبها ..
__________________________________________________ __________________________________
ركبو الطيارة .. السكوت كان سيد الموقف .. محد فتح فمه بكلمه .. قطعت السكوت " سارة "
سارة : تـــــكـــــــرهــــــنــــــي ؟!
خالد التفت لها : و ليش هذا السؤال
سارة كررت السؤال : تـــــكـــــــرهــــــنــــــي ؟!
خالد داس على قلبه : قبل كنت احبج .. و الحين حتى الكره مستكثره عليج .. ما تعنين لي شيء
سار : ليش
خالد بإبتسامة سخرية : ما يحتاج اتكلم .. تعرفين الجواب
سارة : لا .. ما اعرفه
خالد : لانج خاينة .. و اقذر خاينة
سارة نزلت دموعها لا شعوريا : قلي شنو ذنبي ..
خالد : ذنبج ما ينغفر .. و فور رجوعنا البحرين .. ورقة طلاقج راح توصلج
سارة : رجيتك .. لا تعذبني .. استحملني جم شهر .. و بعدين اعمل الي يريحك ..
خالد : ماني مطر استحملج .. و لاني مطر احمل ذنبج .. تحملي ثمن غلطتج .. و انا بس اتخلص منج .. على طول راح ادور الي اشرف منج ..
سارة : الله يسامحك دام هذا رايك فيني .. كنت دوم افكرك العاقل .. الواعي .. ما توقعت يكون موقفك مني جذي ..
خالد هزه كلام .. حاول ما يلين معاها .. و ببرود : شنو تتوقعين ردة فعلي .. اضحك و لا كأنه شيء .. او تبيني اكمل حياتي معاج و كأنه شيء لم يكن ..
سارة " فعلا .. كلامه صح .. لكني بغيت ابدأ معاه حياة جديدة .. و افهمه كل شيء .. لكن انقلب الموضوع ضدي .. "
.........................
وصلنا بعد ساعة ....
وين احنا رايح ..
سارة : احنا مسافرين وين ؟!
خالد : دبي
.........................
بعد اسبوع
انقضى الاسبوع .. صرت في افضل حال .. خرجت من المستشفى و كأني لم اخرج .. يوميا اروح لفيصل .. و حالته ما تغيرت .. الاسلاك و اجهزة الممتدة لجسدة .. موضوع على فراش ابيض .. لو اصبح خلل في اي جهاز سوف يغادر الحياة .. اكره هذي الكلمة .. تثير جنوني .. الوم نفسي دايما .. لو ما اقترفت هذا الخطئ و ما تلفضت بكلمات مستفزة ما كان هذا حالنا .. كنت افكر .. اذا فاق من غيبوبته راح اعترف له بحبي ..
__________________________________________________ __________________________________
سارة ..
وصلنا من اسبوع .. كانت حركاته غير طبيعية .. ما يسمح افتح الباب لاحد .. ما ارد على رقم غريب .. و هذا دليل انه يشك فيني .. لكن اليوم ازعجني رقم غريب .. و عملت مثل ما وصاني اني ما ارد على رقم غريب .. بس جوالي ما وقف من الاتصال .. اقفلت الجوال كليا ..
رجع متأخر كعادته
خالد : ليش قافلة الجوال
سارة : رقم غريب ازعجني
خالد : عطيني جوالج ..
عطيته الجوال بإستسلام .. لاني عارفة لو ما عطيته اياه راح ياخذه اجباري عني .. فتح جوالي .. و لسوء الحظ .. رن جوالي .. و الرقم الغريب هو الي متصل ..
رد عليه خالد بنبرة غاضبة : ليش متصل
الرقم الغريب : عطني سارة
خالد وجه نضرات الغضب لي : سارة مشغوله
الرقم الغريب : انت قولها اني مشعل .. و بتهد الشغل كله و تجي تكلمني
خالد بغضب : ابعد عنها يا وقح
مشعل : قول لها هي بالاول تبعد عني .. دايما زاعجتني بمكالمتها ..
اقفل الخط بويهه .. و وجهه نضراته الغاضبة لي
خالد : انتي متى بتعقلين .. ضيعتي شرفج و هم ما عقلتي ..
سارة جرحني كلامه : مو فاهمة شيء
خالد : لا تتغيبين لان مو ناقصج غباء .. المشعل مالج متصل .. و يقول زاعجته بأتصالاته
مـــــــــشــــــــعــــــــــل
يا هو واحشني .. صوته .. همسه بكلمة احبج .. مستحيل اكرهه .. و اعشق احد غيره .. لا خالد .. و لا مليون خالد يغير حب مشعل .. لالا .. انا غبية .. لساتني احبة !!! .. ليش .. ليش قلبي ما اتعض .. ليش قلبي من حبه ما اتعض .. هزني خالد بعنف ..
خالد : لين انا اكلمج تردين .. اكيد تفكرين بالحبيب ..
البارت انتهى