عشقت القمر حيث القمر ينبعث به نور
واخص الليالي البـيض تزهاه ويزهنـه
واحب الهوى لاهب من خايع ممطـــور
وريح النفـل حيث النفل طيب الخنــــه
واحب الجماله والجماله عمل مبــــرور
واحب الغنـاه وعز نفسي عن المنـــه
واحب الصراحه والصراحه بهامسرور
حيث الصراحـه تقطـع الشك والظنـــه
واحب الكريم اللي يفرج عن المعســور
اليا من عطـى حتى اهله ما درواعنه
احب الرجال العارفه واكره المغـــــرور
من اغتـر في بعض المظاهر يغرنــــه
سقا الله ليال ماضيه قبل هدم الســــور
نحفر العدود ونشرب الماء من الشنـه
نشوف البنات اليا اوردن كنهم الحـــور
مهـــــــارٍ مشــاويـلٍ بالاعيــاد معتنـه
على الماء تشوف بيوتهم كنهن القـــور
كثيـر القبايـل تقطـن العـد بالكنـــــــــه
علـى البـال ذكراهـا ياليــت الليــالي دور
ياليـت الليــــــــالي ماخـــذنه يجيبنـــه
تذكرت شيبـــــــــان لنا يوم حنا بـــزور
يحثوننـا بالطيـب والفــرض والسنــــه
لوعاشوا حياة قاسيه في بحــروبــرور
عسى الله يعوضـهم بمافــــات بالجنــه
لو دورٍ مضى من بينهم وين ذاك الـدور
زمـــــان مضى له ذكريــــات يحلنــــه
يــوم الذهـــب مايلبسونه بدون خصــور
جمال النسـاء ماهو من السـوق يشرنـه
فقدنا حياة البـــدو مع شوفــةالمظهــور
ولا عاد به بـــــدوٍ ولا الطرش لهحنــه
الشاعر الكبير: سليمان الهويدي العنزي –رحمه الله-