الله واكبر غدت شهب القواري فروت
..........ورعيانا في زمان العز من قدها
يا للعجب يا زمان صار فيه السكوت
......... خير من كلمة جور الزمن ردها
اصيح ابشكي واخاف محرفين البيوت
....... اتحوس معنى القصيده حوس وتلدها
وان قيل وش تشتكي؟ قلت اشكي العنكبوت
..........اللي برجلينها تعتاش من يدها
واشكي زمان حظي فيه قرب يموت
....... ومن عزة النفس عيني من لعن جدها
قاموا عيال الرخوم يسحبون البشوت
....... يوم ان عيال الحمايل وقتها ضدها
اما تجي هالقصيده مسك واوراق توت
....... والا ترى هالقصيدة ما انعرف ردها
صح لسان الشاعر الكبير ضيدان بن قضعان
تستطيع المشاركة هنا والرد على الموضوع ومشاركة رأيك عبر حسابك في الفيس بوك