 منذ /10-05-2012, 01:00 AM
|
#1 |
| رقم العضوية : 9523 | | تاريخ التسجيل : 23 - 9 - 2008 | | الجنس : ~ الاهلي | | المشاركات : 155,340 | | الحكمة المفضلة : Canada | | SMS : | |  مرثية الأمير نايف ( كان الحزن ضيف ) للشاعرة " الغيوض " وبصوت " فنان العرب " - فيديو
مرثية الامير نايف يرحمه الله - كان الحزن ضيف
كلمات الأميرة مها بنت محمد الاحمد السديري ( الغيوض )
ولحن وغناء محمد عبده العام يا ام سعود كان الحزن ضيف
واليوم دق اوتاده الحزن فينا ..
الحزن غيمه غيبت نجمه الصيف
وبااسباب جوره ياجواهر شكينا ..
غاب الحبيب ولا بقى للهنا طيف
والاه يانوره تهاوت علينا ..
كن الظهر ياسعود فيه انغمد سيف
والصدر صار لكل الاوجاع مينا ..
اقول يا محمد متى فارق وكيف
واصيح ياسارة متى هو بيجينا ..
يانوف من عقبه ترى بسمتي زيف
جف الفرح من حولنا وانطفينا ..
أبوك يانواف ماله تواصيف
وانشد مشاعل كان مثله لقينا ..
والكون ياهيفا بلا ظله مخيف
واعذر بكانا يافهد لو بكينا ..
كان القمر كان البحر والمجاديف
كان الحنان اللي بحضنه دفينا ..
وكان الملاذ لشاكي الضيم والحيف
كم شال عنا كم خذا عن يدينا ..
عاش ورحل كله مهابه وتشريف
جار الحرم فوق الحكي وان حكينا ..
والله لو كان المقدر على الكيف
ماغبت يا نايف ولا احنا ظمينا ..
كل مارخيت الجفن جدت عواصيف
والشوق ثار وفارقتني السكينه ..
وشفتك مثل شمس بروس المشاريف
نورك يناديني وانا اقول وينه؟ ..
والقاك واصحى والمحك راقي النيف
حي ولو صلت عليك المدينه ..
أحسك بجنبي ماهي تخاريف
ياساكن عيون المهاة الحزينه ..
في ذا جلسنا بين صمت وسواليف
وفي ذا الممر اثنينا كم مشينا ..
وفي هالزوايا كم جمعنا مواليف
وياما على ذيك المرايا ضوينا ..
عشره عمر ماتنتهي بالصواديف
وذكرى تبي تحيا ولو مابقينا ..
الموت يانايف كتاب وتصاريف
وحنا بحكم اللي خلقنا رضينا ..??
تستطيع المشاركة هنا والرد على الموضوع ومشاركة رأيك عبر حسابك في الفيس بوك
|
|
|  |