-

موقف أني أكون طيار وحلم ايام الثانوي أثبت ان القدر اختارلي اكون اداري
وهوو خير أختيار


كنت جالس مع اعيال اختي الصغار قبل ليله العيد
وكان واحد فيهم يقولي ياخالي أمي تقولي انك كنت حلمك طيار
قلت ايه طيار وأعانق السحاب لكن ماجت
فقالي : خالي تعرف تسوق الطيارات والهلكوبتير
قلت : هذي مااسوقها هذي اخليها تلعب وتتشقلب فوق السحاب

وولد اختي انبهر ان خاله يمتلك هذي المواهب ولازال جالس معهم
ونفخت صدري وقلت شفت الطيارات الكبار الي تشوفها هذي قال ايه
قلت من اسهل القيادات ... ولولد انبسط من خاله جدا جدا حسيت
انه يقول هذا الخال ولا بلاش ..

صباح العيد
صحيت وحصلتهم وسلمت عليهم وبعد مارجعنا من الصلاه والي يذبح
والي يصلخ وجارنا العزيز من الصباح اشوفه يضبط عدته الشقردي


والمفاجاهـ ولد اختي جايب لعبه هيلكوبتر لاسلكية وقالي خالي ابيك
تطيرها وتوري امي عشان تخليني زيك حسيت اني توهقت لكن لازال
فيني طموح قلت حطها بنص الحوش وحاول تشوف فيه هواء ولا لا
لان الهواء يخرب القياده ولولد مبسوط ...

قالي مافيه هواء قلت جب لي كرسي عشان اقدر اتحكم فيها
وجابلي كرسي والولد وخواني يصلخون ولازلت اجرب وشوف
وللأمانه اول مره استخدمها لكن قلت شكلها حقت بزران وسهله

وحان وقلت الاقلاع خليتها تقلع ويوم اقلعت وراحت تقريباا كم متر فوق
حاولت اخليها تلف ماقدرت ولا عرفت كيف اساسا ً انزلها وولد اختي يقول
يمه شوفي خالي طيرها وحاولت اتحكم فيها وبيها تنزل ماقدرت
ويوم شفت الهيلكوبتر دحدرت ع الجيران وهي فوق طفيت اللاسلكي
قلت يمكن تنزل لو طفيته مادريت الا وهي جايه مجاوبه على راسها
على الجيران وهقوتي خبطت راسة مدري ظهره جارنا وهو يصلخ ماسمعت منه الا
لاابو ابو ابو الي جابها لكم والولد يقول خالي وراها نزلت زي الصاروخ
قلت هي بتجيك لكن خلل تقني وهجيت وشوي الا جارنا يطق الباب وجايب
اللعبه بدون مراوح كسرها وطلع جارنا زعلان

بعدها جاء وقت الغداء وقلت لازم نناديه ويوم جاء هو وعياله ويقول
هالالعاب خطره لاتجبونها لصغار قال ابوي بزارين ومادريت الا ولد اختي
جايني بالمجلس وجايبها معه بدون مراوح ويقولي خالي انت ماتعرف تلعبها
طيرتها ورجعت لي بدون مراوح جب لي جديده وشوف جارنا يناظرني بعين وبتسم
له وقمت اخبص بالجوال وبتسم لي بعد طول تكشيره



الزبده ان الطموح اذا ماأنكتب لك فهو خير لك :hawamer3912

شمس الحب

تستطيع المشاركة هنا والرد على الموضوع ومشاركة رأيك عبر حسابك في الفيس بوك

---

tgrj >> [hvkh wfhp hgud]