النهارده على 'سفرة دايمة' هنقدّم لك

الطريقة المصرية لعمل الكعك؛ علشان تعملي لعيلتك أحلى كعك ناعم من صنع إيدك، يا ريت تجرّبي الطريقة وتبعتي تقولي لنا رأيك..

كعك العيد على الطريقة المصرية


المقادير:

* كيلو دقيق

* 1?2 كيلو زبدة مذابة على النار

* ملعقة كبيرة سمسم غير محمّص

* ملعقة صغيرة ريحة كحك

* كوب ماء دافئ للعجن

* قطعة خميرة بيرة

* رشة ملح


الطريقة:

1- انخلي الدقيق في وعاء واخلطيه مع رشة الملح، وبعدين اعملي فتحة في نصف الدقيق وحطّي فيها السمسم، وبعد كده ضيفي الزبدة في الفتحة دي تدريجيا مع التقليب باستخدام ملعقة خشبية، لغاية ما الدقيق يختلط تماما بالزبدة، وبعد كده سيبي الخليط يبرد شوية.

2- في الوقت ده دوّبي الخميرة مع ملعقة سكر وربع كوب ماء وسيبيها تخمر لحد ما يتضاعف حجمها.


3- بعد ما العجينة تبرد، ابدأي في خطوة البس؛ وهي إنك تفركي الدقيق كويس بكف إيدك لغاية لما تحسّي إن الدقيق كله تشرّب تماما بالزبدة.


4- بعد كده حطّي ريحة الكعك والخميرة وباقي كمية الماء تدريجيا، وبعد كده

ابدأي لمّي العجينة من بره على جوه، مع الضغط عليها بكف الإيد، لغاية ما تحصلي على عجينة متماسكة تقدري تشكّليها كويس بإيدك، بس خلّي بالك ما تزوديش كمية الميه عن الكمية المكتوبة؛ لأن الميه بتخلّي الكعك يبقى ناشف.

5- غطّي العجينة بقطعة قماش نضيفة، وسيبيها تخمر لمدة ساعة، وبعد كده

ابدأي قطّعيها قطع صغيرة، وشكّليها بقوالب الكعك ورصّيها في الصاجات أو الصواني بحيث إنهم يكونوا بعيد عن بعض، وسيبي الكعك شوية كمان في الصاج علشان يتخمر كويس، وبعد كده دخّلي الصاج في فرن متوسط الحرارة، وسيبيه لغاية ما الكعك يستوي ويبقى لونه دهبي، وبعدين طلّعيه، وعند التقديم رشّي على الوش سكر بودرة.. وبالهنا والشفا.



<<< الله يعين اللي مايفهم مصري عزة الله انه متورط ومافهم شيء من هذه الهرجه ااخ يابطني

على فكره ي الربع عيد الفطر انتهى انتم اللي فهم ع الكلام المسدوح هنيا ياخذ الوصفه ويجربها بعيد الاضحى

'vdrm ulg ;u; hgud] hgkhul ugn hg'vdrm hglwvdm