[align=center]طاب العنا في ظامري اليوم بالحيل
من واهجن يفري الضلوع النحايف
اقفت بي الدنيا على جارف السيل
وجارت على عيني دموعن ذرايف
ساهرت نجم سهيل في دجة الليل
في راس رجم خالي قفر نايف
وخاطبت نجم سهيل عن ناحل الحيل
اللي زرع حبه بقلبي كنايف
عيني نصت عينه وشفت التهاويل
مثل الذي ناصيه نار تلايف
يبرق بريق الماس ماله تماثيل
ويفج ضوه مثل بدر تقايف
ناعس العيون محور الطرف ياويل
ياويل من صوبته الرفايف
سدد على قلبي سهوم مشاليل
من عقبها وأنا من الهم طايف
ومن يومها قلبي يجر المواويل
واكتب لهم من مد قلبي صحايف
ياما تعبب بندب رس المراسيل
وأنتم تزفون النكد بالهتايف
اشعلت جوف الصدر بالحب قنديل
وتوهتني في حب ماله طوايف
وحلفت وأنا من قروم الحلاحيل
قرم عطيب الراس هاوي النوايف
ماانسى خليل ظلل القلب تظليل
ولو طالت الفرقا من العمر عايف
افضيت له قلبي وروحي على الكيل
وابرمت له قاف محنك وكايف

وسلامتكم
بقلم ضناني الشوق[/align]