قالت تغازل .... قلت ماهو على الكيف ___ وشلون اغازل واسود الراس شابى
قالت وسيم ...وقلت حكى وتخاريف ___ نصف الجمال مكمل(ن) بالشبابى
قالت تصبغ ... قلت ما ينفع الزيف ___ ما يصلح الديكور بيت(ن) خرابى
ياما قطعت بحور الهوى بالمجاديف __ وياما سريت بليل ماحد(ن) درى بى
وياما غطست بكايدات الصواديف ___ وياما ضحكت وطارى الهم غابى
أيام مرت كنها مزنة الصيف ____ اقفت وانا قفيت واقفلت بابى
سنة حياه وعبرة (ن) للعواريف ___ ولا ينفع القوال توى شبابى
لو يتمسس ويتكلف بتلبيس ____ مسكين يا طراد مي السرابى
حتى المره لا صار عمره تناصيف __ قامت تنفش راسها والثيابى
وقامت تزبرق فى كثير اللصاصيف ___ تنقز وتطمر تحسب انه شبابى
ياناس جوزوا واتركوا هالسواليف ___ صيور كل انسان بطن الترابى