لاباس ياشِيخ الكريمين لاباس
شرٍّ وزال وعلّ عمْرك طِويلِي
00
شُوفتْك مِتْعافِي تغنّتْ بها النّاس
وِاقْبالتكْ هدّتْ عنايا ووِيلِي
00
إيْ والله انّكْ بالمعالِيق غمّاس
وِبْعِينِي وقلْبِي مِقامكْ جِلِيلِي
00
وِمِنْ طِيبِتكْ جتْك المخالِيق حِرّاس
شِباب معْ شِيب ٍ وجِيش ٍ وخِيلِي
00
يابُوي والخامِسْ من النّبْض حسّاس
أبِيك دام اِنّكْ تِذِمّ البِخِيلِي
00
إخْذ أوّلهْ عبْرة على غبْن الافْلاس
والثّانِيه شيّشْ علينا دِخِيلِي
00
والثالثه كِلّ المراسِيم تِنْحاس
قُول ٍ بلا فِعْل ٍ وربّي كِفِيلي
00
والرابعهْ مِنْ خادِعِين ٍ وجِلاس
بِطانة ٍ تكْذِبْ نهار ٍ ولِيلِي
00
والخامِسهْ ضرْبه على الرّاس بالفاس
مِنْها ضِحِكْ سارِقْ وغرّدْ هبِيلِي
00
خلاني ومِثْلِي نِوطّي لهْ الرّاس
حُكْم ٍ جعلْ راس المعزّه ذِلِيلِي
00
يابُوي تِكْفى طنّشْ هْرُوج بلاس
يابُوي وضْع الحال دمّرْ لِحِيلِي
00
ترى عيالك شلّهمْ رُمْح جسّاس
شِفْهُمْ من اصْغر جِيل لِي حدّ جِيلِي
00
شِفْ رُوسنا مِنْ خايِسْ الحظّ تِنْداس
واحْلامنا ضاعت وضاع الدّليلي
00
يُبهْ ترى وِرْعانك بحالة الياس
يُبه قبِلْ هرْج ٍ وقُول ٍ وقِيلِي
00
غيّرْ وغيّرْ واكْسِرْ خشُوم الانْجاس
وارْه العطا ياعلّ عُمْركْ طِويلِي
بقلمي
رميض
تستطيع المشاركة هنا والرد على الموضوع ومشاركة رأيك عبر حسابك في الفيس بوك