السلام عليكم
انا بناقش معكم الموضوع بطريقه عفويه بسيطه
وبدون تجريح رجاءً
:hawamer3212
الان وزير العمال غفر الله ذنبه يبغى يعلق اخطاء الدوله في التقشف في فتح
ارقام جديده للوظائف الحكوميه مع ان العجز في كل القطاعات وانتم تعرفون
ويغطي الفضائح في منح التاشيرات المليونيه لاناس خاصين
وتدليع المستثمر الاجنبي والشركات المتنفذه
جاء يحمل المواطن هم السعوده ويقول شاركونا في همهم
تعرفون دخل البلد ضعيف بس مليار ريال يوما .....
والمصيبه ان بعض الاخوان يمدحه لانه ماهو في معمعه التجاره وليس لديه محلات
فقط يسمع وطفش من الزحمه وراتبه كبير واموره زينه
او انه ما قدر يفتح محل مع الرجال ويبغى يخرب على الجميع
:hawamer6512
لكن والله انه بياكلها مفلفله مستقبلا .... وبقلكم كيف
الان انتم تقولون ينظف البلد من الاجانب والتستر
المحل الي ماسكه اجنبي و متستر عليه سعودي وعنده عمال فاكهم في الشارع
ويدخل 30 الف شهريا زي ماتقولون انكم تعرفون..... ماعنده مشكله صاروخ
بيوظف سعودي ويلقمهم حجر لان الدخل مغطي وزود وقفت توظيف شخص
عاطل باطل اصلا يا كثرهم الي يبغى 4000 ويجلس في البيت
اما الي ماسك محله ويكافح ويادوب مقوم محله وعنده عامل او عاملين وهو الي
متولي رواتبهم ومتابعتهم والمحل ممكن بسمه او اسم ابوه او اخوه هذا خلاص
بينسحق سحق ومضطر يخرج من اللعبه
طيب انتم تتوقعون البلد بيخروجون الاجانب ..... حاشا وكلا
بتجيك الشركات الكبار وبيجيك الاجانب الي على اصولها كل اجنبي بيجيب عائلته
ويبغى سياره ويزاحمك في المأكل والمشرب وراتبه كبير..... وبدك وما بدك
وحلني ان لقيت شي رخيص لان كل المحلات بتكون اختفت لم يبقى الا الشركات الكبيره محتكره البلد
يعني بدل ماتصلح سيارتك عند مهندس هندي او باكستاني بسعر معقول
بتروح شركه معتمد ه مليانه من اصحاب الجل
والدخول بفلوس والكمبيوتر بفلوس والتصليح يقطع القلب
يعني لا بقاء الا للقوي
طيب والحل
الحل ان كل شخص فاتح محل وليس لديه اكثر من 5 عمال
وعماله شغالين تحت كفالته يعني المحل باسم شخص والعامل في المحل باسم نفس الشخص هذا ماهو متستر حتى لو كان البضاعه داخل المحل للعامل
اهم شي كل عامل يعمل عند كفيله واذا تعدى السعودي 5 محلات وخمس عمال
الله لا يهينه يوظف سعودي يكون محاسب او متابع للعمال لانه اصبح رجل اعمال
بدل من اخذ الجميع بالسوط والكل مذنب لانه لم يوظف سعودي
نعم
توظيف السعودي هم وهم كبير كلهم اخواننا واخواتنا
ولكن يجب ان يبدا به الاقوياء فقط
الدوله ثم مؤسسات الدوله ثم الشركات المتنفعه من الدوله محليه او اجنبيه
ثم الشركات ذات الفروع التتعدده والمستثمر الاجنبي :hawamer6512
اما اننا خلينا كل ذولا وجعلنا همنا ضرب المواطن بالمواطن
فالله يخلف علينا والتفكير وهذا اسميه قطع ارزاق والمضلوم له دعوه لاترد
خلاص تعتب
شكرا لكم :hawamer5212
تستطيع المشاركة هنا والرد على الموضوع ومشاركة رأيك عبر حسابك في الفيس بوك