 منذ /03-17-2013, 05:59 AM
|
#1 |
| رقم العضوية : 9523 | | تاريخ التسجيل : 23 - 9 - 2008 | | الجنس : ~ الاهلي | | المشاركات : 155,340 | | الحكمة المفضلة : Canada | | SMS : | |  كــل مــن يــؤيــد قـــــــرار وزيــر العــمل يـتــرك الهيــاط ويــرد لوكان فاهم
الحين يا سيدي الفاضل اشوف فيه حمله تقول انه قرار حكيم
البعض يقول كم سنه وتنظف الديره من الاجانب
وناس تقول بدل عشر بقالات بشارع تصير ثنتين
والبعض يقول ردع لكل واحد غير تظامي
ركز معي شوي لاهنت
انا وانت
انا غير نظامي وانت نظامي
كل واحد فينا عنده 10 عمال في اي صنعه اواي تخصص
طبعا انا ماراح اطرح مناظره اطرح واقع موجود والكل يعيشه ويشوفه
ماراح اطرح حوار ممكن اكون صائب او خاطئ لا مافيه جدال يابيض ياسود
طبعا نبدا بالنظامي يا عزيزي انت
عندك 10 عمال وفاتح ورشه او مؤسسة مقاولات
عمالك يتقاضون منك راتب اكيد كل شهر بغض النظر عن دخلك في الشهر كم
او تعطيه على قد عمله اللي قام فيه بالشهر على سبيل المثال مقاولات
لان المقاول احيانا مايكون عنده عمل وعاملك يا تدفع له راتب شهري او تتاعامل معه بالمتر على حسب العمل
واذا ماكان عندك عمل راح يشوف له شغل لين تحصله فرصة مقاولات
ماعندك الا خيارين يعني عاملك نظامي جدا
ولو كان يشتغل في ورشه الورشه دخله لك والراتب للعمال على حسب الاتفاق
ان كان الانتاج او راتب ثابت
حان وقت دفع الجزيه السؤال من فيكم يدفع 2500 انت ولا تستقطعها من راتب العامل ؟
راح اعطيك رد كل خيار لك
الاول انت اذا انت متضرر لانك سوف تدفع كل سنه 2500*10=25000 الف
اذا كان تقطعه من راتب العامل انت ظلمته اولا لانه موظف محسوب عليك
ولابد انت تلتزم بعقد العمل ال تامين طبي واقامه ومشتقاتها
نفرض حصل اتفاق مناصفه بينكم او يتحملها العامل
راح يترتب عليها تعويض كيف يطلع المبلغ اللي راح يدفعه وماراح يحصل سوى حل واحد
يرفع سعر المتر او يرفع سعر تكلفة اجر العمل ان كان بورشه
وان كان في بقاله او صيدليه نظاميه دخلها لصاحب المحل راح انت تتحمل غصب
25000 ولاراح يساهم في ريال واحد
هذا انت يا نظامي
انا غير نظامي الهدف من استقدام العمال بيع الفيزا بمبلغ 12 واكثر وتم استلام المبلغ وسرحت العامل في الشوارع
كل نهاية تجديد يجيني ويجيب معاه مبلغ 2500 وفوقها 300 ريال حق تعقيبي
انا ربحت من العشره 3000 ريال
وماخسرت ولاريال عكسك يا نظامي
هل يستطيع العامل يقول انا اجدد له او يتجراء بلفظ تجديد ؟
مايقدر لاني غير مستفيد منه وهو عارف هاالشي
هل تتوقع بقول العامل اللي تعب ودفع حق الفيزا اللي مصت دمه خلاص انا بطلع من السعوديه ما اقدر ادفع 2500 كل سنه ؟ مستحيل يطلع بعد ما حط رجله
والسبب ان العامل يقدجر يطلع المبلغ هذا في نص شهر بالكثير في شهر
اما صاحب البقاله وصاحب ورشة التكييف ومحل الخياطه وكل هالسوالف
اللي الدخل له وانا للي مبلغ كل شهر .. تتوقع بقفل بقالته وصيدليته ومحل الخياطه
عشان مايقدر يدفع 2500 كل شهر ؟ مستحيل لانه يطلعا بزمن بعضهم لايتجاوز اسبوع اذا كان محل استهلاكي
ولو جاني وقال صديق انت معلوم فيه زياده تجديد لازم انت مساعده شويه ونقص راتب مال انته
اقوله معصي كل شهر تحط نفس المبلغ ولا توكل على الله غيرك برا على قائمة الانتظار ينتظرني افتح له الباب وابيع الفيزا عليه 15 الف غير راتب الشهر
يعني جميع الاحوال انا كسبان وهو كسبان وماراح يغادر
اما انت يا نظامي الله يعينك كل سنه 25 الف ولك خيارين
اذا كانت شغلتك طقها والحقها راح تقلص من عمالك عاملين ولاثلاثه وتطلب العوض من الله في اللي دفعته على استقدامهم
او انك ترفع من سعرك ان كان فني او مهني عشان تعوض والمتضرر المواطن
انا شاهد اعيان على مصري رفع سعر المتر من 110 الى 125 حداد مقاولات
قلت ليه قال والله مطلوب مني 2500 كل سنه
الحين يا نظامي عطيني رائيك في الحالتين
وجاوبني تتوقع راعي بقاله او محل خياطه او ورشة تكييف بقفل محله ويسافر ؟
يعني هياط البعض اللي يقول راح يروحون وشلون مادري
عندك حالتين وانت قارن وشوف وحلل
العامل الي دخل ماراح يطلع الا في حالتين اما انه شبع وخلص
او انه ارتكب مخالفه كبيره لاتغتفر
غيرها احلم انه يطلع ان كان نظامي ولا سائب
وانسى اني انا او من نصفهم بالمتسترين اني اقطع رزقي واقول
خلاص روح عورني ضميري وماعاد ابي منك راتب كل شهر
لاني ماتضررت منه كسبان
يعني الخسران النظامي والكسبان المتستر وشركة بن لادن ووجيه والشركات الكبيره
لانهم استثنوهم من القرار رغم انه يدخل سنويا مليارات يرحمونه
والحين تقول وزير العمل ماقصر وتمدحه ؟
وزير العمل يخطط على فلذاة اكبادنا يريد ان ينشئ لهم قاعده صلبه
مهنهم سباك ونجار وحداد وانا موضد العمل الشريف مهما كان
لكن ضد سياسة السيد والخادم وهذا هو المخطط لكي نقضي على الوافد
قبل ترد وتعلق افهم زين ورد على كل تسأل برد مقنع
يعني لاتجيني وتقول قرارا صائب بدون حجه وبرهان
لاتجي وتقول العيب في المتستر لانه موقضيتنا
قضيتنا من المتضرر فقط
من اهم اسباب القرار زيادة الدخل للدوله مومهم كيف ومن وين اهم شي استنزاف
قفلو على البترول وحولوهم على الشعب والمقيمين
وسلم للي على ساهر والفحص الدوري وسلم للي على كل متخرج من الثانويه
لايقبل لين يختبر خرابيط ب 300 ريال وين تروح ؟
تحياتي
تستطيع المشاركة هنا والرد على الموضوع ومشاركة رأيك عبر حسابك في الفيس بوك
|
|
|  |