زواج اخو زوجي المعاق..!!!!
قصه رهيبه لاتفووووووووتكم
السلام عليكم
اخو زوجي عمرة 28سنه .. فيه اعاقه بسيطة (يعرج)
موظف وساكن عند اهله وخطب اكثر من مرة بنات
اقل منه بالشكل وبالتعليم ورفضوا..
وهومحبوب جدا من كل اللي حواليه وكان صديقه
حلاق تركي راح يحلق عنده وشكاء له الوضع وقام
التركي طق الصدر وقال انا عندي قريبتي ملتزومه
وامنيتها بالحياة تسكن ببلاد الحرمين البنت
من قريه ريفيه....
عاد هو اقتنع وراح مع زوجي و2 من عيال عمه
وخطبوا البنت وعقد القران وجلس 3 اسابيع
كل الوقت كانت ام زوجي تبكي على ولدها
وكانت رافضه الفكرة وتدعي له ان الله يوفقهس
وحنا كنا نهدي فيها ونقول ازين من السعوديات
فيهم شوفة نفس خصوصا ان اخو زوجي حسااس
بس علشان ترضي ام زوجي
اتصل اخو زوجي وقال : جاي هو وزوجته طبعا زوجي جاي
قبله وحكالي ان اهل الزوجه مرة
بسيطين ومسلمين سنه ويتبعون المذهب الحنبلي
والعروس حافظه القران
المهم اهل زوجي سو عشاء عائلي بسيط
لاستقبال العرسان
وماكنا مهتمين لان الجو كئيب ام زوجي تبكي
لانها تبي سعوديه ... واخوات زوجي مو متحمسات
اول ماوصلوا العرسان حسيت ان البيت هدي
من صراخ البزران
ودخل اخو زوجي وزوجته وكانت لابسه عبايه ساترة
وكانت تساعده بضمير تمسك يده وتنزل
لرجله وترفعها شوى ماقالت عروس وابي اترزز عند
حمولتي بالعبايه
المهم كنا حنا و2 من حريم اخوان زوجي و3 خواتزوجي
نبي نستقبل العروس القرويه هههه
وكانت الصدمه دخلت علينا وبدون مبالغه انارت الغرفه
ايه ااايه بالجمال جسم بياض عيون
غمازات ابتسامه خجل كاااامله
انا كان بيغمي عللي من القهر ...مرت اخو زوجي
الثانيه تقول جاتها جلطه خفيفه ..خوات زوجي
جاتهم ضحكه انتصار
دخلت وسلمت على يد ام زوجي وراسها وحضنتها
وجات تسلم علينا كانها تعرفنا من زمان ...... مالت
عليها مانبي نصادقها وش تبي ذي
انا حسبت نفسي البيضاء الصاروخ طلعت شهباء
وبشرتي خرابيط ... والثانيه تحسب نفسها جسم
طلعت زوايد ماكنت اشوفها قبل تدخل علينا
هالتركيه
المهم اخت زوجي تقول تري اخوي يقول عمرها 18
عاد انا تذكرت شكلي بعمر 18 هيكل عضمي
وحبوب تارسه خشتي
وصرت افكر بزوجي لايكون شافها وانااقول وشفيه
عايفني من يوم جاء من تركيا والله بعذرة شاف ذي
واقول بخاطري وشفيه مامدحهم يمكن شافها ويمقن لا
واناظر لفيسات حريم اخوانه كل وحده سرحانه في
وادي حرقت كبودنا بدون ماتدري ...
ليتهم قايلين لنا انها صاروخ كان نتهييا نفسيا
وجاء وقت الصلاة وقامت تتوضي وتصلي وتسال عن
القبله والله ماخافت المكياج بيروح والا بتطيح الرموش
كل شي صدقي جمااال رباني هب... عليها
بكيفي ابي اعينها خربت علي حياتي خل
تقولون شي
مرت 3 شهور من زواجه وهي ساكنه عند اهل زوجي
وحامل
وكل مرة زوجي يقول بسلم على امي اقوم
ارتز معه اخاف ذي تطلع له هم يتذكرماساته معي
المشكله اخلالالاق وحبوبه زود على جمالها وش
تبي ذي وطباخه وتسوي خبز يجننن
دايم احصلها في المطبخ ودي ادخل عليها واخرب
بينها وبين اهل زوجي واقولها انتي ليه كل يوم
فيه مطبخ ليه كزا انتا فيه شغل كتير انا سيم سيم
انتي مافيه شغل انتا حامل بس خسارة
ماتفهم علي ( نذله ابي اخرب سمعتها )
قبل امس كان فيه زواج يقرب لاهل زوجي وجلسنا
بطاوله وكنت انا وسلفاتي بحرب نفسيه خايفين
تحضر ...
والمشكله حضرت واكلت الجوو لبسنا كعوب
ولا وصلنا لطولها لبسنا مشدات لين طلعت ارواحنا
وماجاء زي جسمها طن ميك اب ولا غيرفينا شي
وش تبي ذي تطلع من حيا تي ...خلتنا مسخرة
انا وزوجه اخوة الثانيه تقل خوات ساندريلا
كاشخات وشينات بجنبها
طبعا فيه ملاحظات
رجاال العائله واولهم زوجي لعنوا العجله وتمنوا اعاقه
عشان يكون لهم عذر للزواج بس هين
ناشبتلك ناشبتلك
بنتي اللي كانت شايفتني توب ....
قالت ماما ابي لاصرت كبيرة اصير زي زوجه عمو
التركيه قلت لها اشربي حليب
قامت وجابت اكبر كاس اطول منها تشرب ( واقول في نفسي رددي ياليل مااطولك)
غير كذا صرت افكر ااجل الحمل 5 سنوات اخاف احمل اللحين وتجيب بنت
وانا بنت وتعالي تشوفون المقارنات ولا وحده تقول عادي
وفي الاخبر
ماشاء الله تبارك الله عشان لاتقلون تبين تحسدينها
تستطيع المشاركة هنا والرد على الموضوع ومشاركة رأيك عبر حسابك في الفيس بوك