السلام عليكم اللي يشوف المواضيع عن
العقار وانه انهار وخلاص مااحد يشتري ولا فيه بيع ووزارة الاسكان سوت وقالت والضويحي افتتح وفلان قاال وبيدورون اراضي وبيسلمونها شركات وبيبنونها وبيوزعونها على المواطنين
الحين ماعندهم اراضي ولا بعد عملوا اي شي على ارض الواقع
ونفس الاسطوانه نسمعها في جميع الوزارات
-مكونين لجنه سوف تقوم بعمل آليه جديده تخدم المواطن ويالله شهر شهرين ونسوها العالم
- فيه خطه مستقبليه قائمين عليها كفاءات متخصصه ومشاريع تحت الدراسه لراحة المواطن وشهر شهرين ومثل غيرها
- مجلس الشورى يدرس موضوع يهم المواطن وفي الدرج اصلا ماعمر مجلس الشورى نفع المواطن او طالب له بشيء مجلس الامه الكويتي على غفله
الزبده كل التصريحات والمشاريع من سنين كلاااام وتسكيت للمواطن والمستفيد قله من الشعب ومتى بعد سنييييييين
ياتحت الدراسه ياخطه مستقبليه وعطونا فرصه كم سنه الين ننسى ويجي تصاريح جديده وهكذا
اللي يشوف ذا المواضيع يقول خلاص تسليم مفاتيح الفلل
لا احد يجي مطفي النور يقول هذا عقاري ولا عنده اراضي
والله ماعمري اخذت ريال سعي ولا عندي مكتب عقار
عندي اريضيه أبنيها والحمدلله بس شبع وطفش المواطن من التصاريح السنويه وفي الهواء
ونقول الله يجعلهم صادقين هالمره بس
تستطيع المشاركة هنا والرد على الموضوع ومشاركة رأيك عبر حسابك في الفيس بوك