السلام
ياعيال
الحقيقه بدون نقط هههه
انا استغرب من العالم اللي يهايطون ويبكشون من الناس اللي نعرفهم
ويجونك مدسمين بكشهم وهلسهم وخراطهم
ويتفنون في رسمه وتزيينه وزخرفته
في المجالس ومن ضمنها مجلسنا الموقر هاذا
حنا وش بنا هاه وش بنا ورانا نعديها لهم ورانا مانفشها في وجوههم ونقولهم يابكاشين بطلوا بكش ليه بعض الناس ينحرج ويساير لا ويمكن يسوي نفسه مندمج ومنبهر ببكشة اللي قدامه وهو في داخل ضميره عارفن ان هالماخوذ اللي قدامه بكش يبكش فهو بكاش وراه مايرمح ابالله يرمح ذيك الرمحه اللي تخلي ابو بكش ذا يتدربى على زحليقة الخجل ويبطل يبكش على الناس والرياجيل باختصار ياعيال العلم اللي ابا تلزمونه عني لا شفتوا اي واحد بكاش لا تجاملونه وطقوها بوجهه عشان
نضمن
وجود مجتمع صحي خالي من البكش
حملة فقاش لمحاربة اي بكاش
عزيزي المواطن ان تعاونك مع اي بكاش يجعل مجتمعنا مجتمعا بكاشيا مريضا بداء النقص والنقيصه فهلا انضممت للحمله وكسرت حاجز الخجل لديك
تستطيع المشاركة هنا والرد على الموضوع ومشاركة رأيك عبر حسابك في الفيس بوك