اليوم يا اخوان رحت بعزي بواحد من الجماعه وحظي الاقشر خلاني اجلس بجنب واحد غثيث من الجماعه ما اعرفه حق المعرفه سالني من انت ولده وجاوبته واثناء الحديث قالي انا سمعت انك بتزوج الثانيه قلت ان شاء الله والله يقدرني بعد الثالثه والرابعه(وش اقول عن لساني :hawamer5712) قال ماشاء الله انت مامعك سكر وضغط قلت معي ضغط قال بس شكلك نشيط ومتعافي اهب(قلتها بيني وبين نفسي) قلت: الحمدلله الله يرزقنا واياك بعدين جلس يسولف مع واحد وقمت من العزا الا وهاك الدوخه والعرق من جسمي وصلت لسيارتي بالقوه ولقيت واحد يقربلنا وانا امشي وسلم علي وحكيتله عن الي صار وقلت له هاك الرجال صارت بيني وبينه سوالف وقلتله عن السالفه رد علي وقال: اقسم بالله معروف ها الرجل بالحسد وعينه ماتخطي:hawamer5712 وقالي مره كانوا العيال يلاعبون كوره وفيه واحد كان يلعب معنا وقال عز الله انه لاعب يحلف الرجال انه من يومها وهو يعاني من روماتيزم والالام بالعظام وعطاني امثله كثيره عنه بصراحه روعني والمصيبه اني اليوم ماحصنت نفسي اقسم بالله اني بالقوه اكتب لكم يا اخوان معي رعشه ودوخه وتعرق بجسمي
وش السواه تكفون؟؟
بصراحه ارعبني
تستطيع المشاركة هنا والرد على الموضوع ومشاركة رأيك عبر حسابك في الفيس بوك