 منذ /10-27-2014, 05:00 PM
|
#1 |
| رقم العضوية : 249 | | تاريخ التسجيل : 4 - 4 - 2008 | | المشاركات : 216,906 | | الحكمة المفضلة : Belgium | | SMS : | |  التمويل الشخصي الظالم من الراجحي وحوار شيعة عن البنك الاهلي
السلام عليكم
اقسم بالله كل ماسأقوله هو الحقيقة ولاشيء غيرها بأحداثها تماما ..
كنت قبل قليل في مصرف الراجحي في صالة التميز وبجانبي يجلس مجموعة من الشيعة اعمارهم مابين 40 - 65 سنة تقريبا ...
جلست انتظر الموظف بستفسر عن تمويل شخصي مجرد استفسار واجري بعض العمليات ...
جاء الموظف وسألته عن التمويل وقال بنرسل لهم طلبك وتجي الموافقة ونتناقش فيها... وبكيفك اذا ناسبتك نوقع العقد واذا ماناسبتك نقطها بالدرام .. قلت اوكيه ...
جلسنا ننتظر الموافقة ... واسمع الشيعة الشلة اللي جنبي يسولفون عن اكتتاب الاهلي ... والله العظيم انهم يقولون انه حرام ويقولون ربوي والعياذ بالله .. ومنهو يدور مكسب طفس ويغضب رب العالمين وكل واحد يقول حديث واللي يقول آية قرآنية ومواعظ وقصص عن ناس دخلوا مبلغ حرام قليل على مبلغ حلال ففسد وخسر فلوسه ... ومابغوا يخلصون لين دخل عليهم واحد من ربعهم وقاموا يسلمون عليه وينكتون ويضحكون ..
انا والله استغربت .. ماكنت متوقع انهم حريصين على الحلال والحرام .. واكيد مااخذوا فتوى مفتي المملكة .. ممكن عندهم مفتي افتى بحرمة الاكتتاب في الاهلي .. ماادري ..
وصلت الموافقة .. هاه وش الاخبار .. قال نبيعك سهم سابك 114.92 ريال .. قلت شوف الشاشة قدامك 113.5 شلون تبيعني بسعر اغلى من سعر السوق .. يعني لاهط مني قيمة السعر بأعلى من سعر السوق .. واذا جيت ابيع انا بسعر السوق بخسر مبلغ وقدره .. وفوق هذا مآخذ رسوم ادارية مرتفعه ... ورسوم شراء اسهم ورسوم تحويل الاسهم .. وفوق هذا كله ارباحك من القرض نفسه ...
لعنبو شيطانك منشار .. طالع مآكل نازل مآكل ... والتمويل اصلا من مؤسسة النقد !
هذا تمويل اسلامي !!!!!!
هذا تمويل فاجر !!!!
وش ذا الاجرام في المساكين .. اعوذ بالله ..
قلت للموظف ارميها في الزبالة ... الله لايحدنا عليكم ...
يعني والله من وجهة نظري اللي اشوفه ان التمويل بشراء سلعة من بنك الجزيرة او الانماء او البلاد ابرك مليون مره ..
والهيئة الشرعية محلله هذا النوع من التمويل واسلامي 100%
يعني اعرف اللي واعرف اللي علي .. المبلغ اللي استلمه كم والمبلغ اللي اسدده كم والقسط كم والارباح كم .. كل شيء واضح ..
قال اسلامي قال ...
تستطيع المشاركة هنا والرد على الموضوع ومشاركة رأيك عبر حسابك في الفيس بوك
|
|
|  |