عظم الله جرك يا وطن في فقيدك 000 الى عقاله فرق عن كل ميلة عقال

حزن عبدالله ما يبدده الا نشيدك 000 ولو ان عبدلله فرق عن كل رجال

اب عطوف كان ماخذك بيدك 000 قادك بأمان وحب عن كل الاهوال

عرف عياله وش سعد يوم عيدك 000 قال الوطن فرحه على مر الأجيال

حول ثراك وعمره لك حديدك 000 وشيد صروح العلم اضعاف وادبال

وش ناقصك ياوطن قال ازيدك 000 انفـاق مـترو قـطـارات واعــمال

وعد بشمالك وحقق الله وعيدك 000 وصارت مدينه عقب ماكانت اهمال

حتى بحزمك طلع ذهب جلاميدك 000 وحرك قطارات العمل لأقصى الشمال

وطد علاقات العرب واوفى صديقك 000 احيان بالموقف واكثر احيان بالمال

وقال العمل والعمل بس يفيدك 000 وعيالك اساس وغير الاساس رحال

عظم الله اجرك ياوطن في فقيدك 000 الي رحل عنك وفي القلب لازال