سجع فكر الطرب عندي وتوحى نبرة التغريد
وعطاني فكرة المعنى وتغنى حرفي الدافي
انا جيت اتغني بالحروف وجبتها ما تحيد
دروبي لا توجهته عنيت وجيت له حافي
انا جيتك انا جيتك وعطيت القلب والتنهيد
وعطيت الزفرة اللي لاشهقتك قلت لي كافي
رويت الحب واسقيته ونبته نابتٍ ب الجيد
روته عروق قلبٍ ينتظر يسقى من الصافي
شربت المر ب الفنجال وشربته بالغلا والكيد
وتقهويت الغثاء والحب وتقهويته وانا الجافي
الا ياقلب الا ياقلب ترى ما تاصل اللي تريد
نصيحه عود الطرقه ترى طرقك به خلافي
وطيفٍ قد سرا ب الليل وشربك نومتك ب القيد
حلوم الليل ياخذها سرابك وانت به غافي
سراب البيد مايروي وما يروي سراب البيد
تعوّد والعطش منك تمكّن عرقك الوافي
انا ماجيت اب اغني ولا جيت انشد التغريد
انا جيت اتمنى منوتٍ والحلم أهو كافي
الماجده
تستطيع المشاركة هنا والرد على الموضوع ومشاركة رأيك عبر حسابك في الفيس بوك