منتديات شمس الحب - عرض مشاركة واحدة - على هالحال والسبّه ( فتيله مالقت قدّاح )***واذا منّه تعب "يرقد" قبل لاتالع عقودك

لميسـ · منذ /05-13-2015, 06:50 PM

على هالحال والسبّه ( فتيله مالقت قدّاح )***واذا منّه تعب "يرقد" قبل لاتالع عقودك

هالحال والسبّه فتيله مالقت قدّاح )***واذا منّه "يرقد" لاتالع عقودك

صباح احلا صباح يليق فيك "بنكهة التفاح"..!
لاوالله ويش تفاحه .؟ صباح بنكهة خدودك
صباح اللي لياجاني ماعاد انشد عن اللي راح
صباحٍ يغمرك من "اولك" لين اخر حدودك!
تعوّدت الصباح اليا صحيت اقول: " يافتّاح"
لكن هذا الصباح اقول: "من فضلك ومن جودك"
ياعطر البسمه اللي لا"نِوَتْ"فوق الشفا تجتاح؟
اعيد انظر في ترتيبي .. عساه يليق في "مودك"
ليا منّك هرجتي في شفاتينك "عطر فوّاح"
مابين اسْمعْك واشمّك!! .. [ بلشت ابسهلك وكودك!]
"تفننتي بتطبيق الحضاره" في ابدوي " فلاّح "
عجول وزاد في عجْلتْه ( تسْريحتك وابْرودك)
فراولْتِك على شفاهك يذوب ال(عينها) المسباح
واذوّب لك قصيدي في طرف رمشك وفي سودك
عشانك يابعد عين القصيد " اسمن " قصيدي طاح
كرامة جيّتك .. والله يحيي صادق اوعودك
ومدام اب(شفّتك) جمره وفي صدرك لَهَبْ وارياح
نولّع نارنا واشبّ عودي في طرف عودك
انا لعيون نار البدو ماني موقد المصباح
ليا شبيت ناري قلت "مصباحي" فدى عودك
وارتب مائدة وصلك وابعزم " حضْرة الافراح
" تجيك افراح هالدنيا تغني لك على عودك
وخذي راحتك في قلبٍ شرايينه " قيود اشباح
" بنام اليا بديتي سهْرتك واشْعلتي اعقودك
كتبت الشعر من بيئتك والا شاعرك ؟ (فلاّح)
تعمّقت ابثقافة بيئتك لجل اَضْحِك اخدودك
واذا تبغينه ابهرج البدو .. " يامل قلبٍ ناح
" يعاقب فيه "شبّابه " مشاهيبٍ من اصدودك
ليامنّه ضوى شدّ الركايب ناوي المسراح
لا عقّب سِلْم جدّانه تردّه عادة اجدودك
على هالحال والسبّه ( فتيله مالقت قدّاح )
واذا منّه تعب "يرقد" قبل لاتالع عقودك

الموضوع الأصلي: على هالحال والسبّه ( فتيله مالقت قدّاح )***واذا منّه تعب "يرقد" قبل لاتالع عقودك || الكاتب: لميسـ || المصدر: منتديات

شمس الحب

تستطيع المشاركة هنا والرد على الموضوع ومشاركة رأيك عبر حسابك في الفيس بوك

المصدر: منتديات شمس الحب - من قسم: سلة المحذوفات والمواضيع المكررة

ugn ihgphg ,hgsf~i ( tjdgi lhgrj r]~hp )***,h`h lk~i juf "dvr]" rfg ghjhgu ur,];