السلام عليكم ورحمة
الله ..
يا اخوان اقبلت على اشارة وفيها ساهر ..
وعيني على العداد باقي
( 03 ) وانا قريب جدا من تجاوزها ..
ولكن لاحظت ان العداد متوقف مايمشي .. !!:hawamer3212
والمشكلة ما انتبهت الا وانا خلاص قد تجاوزت الإشارة ماعاد يمديني
اوقف او ارجع لانه وراي سيارات وزحمة ..!!
المهم ساهر ماخلا ولا بقا .. فلاش تقول سلك كهرب يضرب بالطبلون:hawamer6312
اظن صور نصف الشعب بذيك اللحظة وانا منهم ..:hawamer4112
والمصيبة انها
اشارتين متتابعتين ونفس الكلام حصل مع
اللي بعدها ..:hawamer4412:hawamer3212
ما اقدر اوقف العالم وراي معهم جن طايرة وانواع البواري وحوسة ..
المهم وقفت بعدها على جنب ودقيت على المرور وشرحتله الوضع
قال ماهو من اختصاصنا هالشي .. !!
قلتله طيب وين اروح .. وكيف اسوي .. ؟!
انا الان عند الموقع والاشارة متعطلة وصورني الوصخ ذا .. :hawamer6512
قال راجع شعبة السير ..!!
المهم مشيت شوي ولقيت كامري مرور سري ووقفته وشرحتله الوضع ،،
كلم بالجهاز مدري من كلم ،، وردلي لقيت نفس الإجابة ..
راجع شعبة السير ولازم تقولهم على الوقت بالضبط
اللي صارت
معاك فيه هالسالفة ..!
ولكن سمعت
اللي يهرج معاه بالجهاز يقول هذا اكيد عنده سرعة ،
ما هو معقول الاشارة متعطلة ويطلب منه يتاكد من اثباتي ،
ومن ذا الحكي ..!
لكن طلع
اللي بالدورية كفو وقالي ماعليك منه وكذا ..
انا والله انني طلعت اثباتي ووثايق السيارة ووريتها له من غير ما احرجه
او خلافه والنظام نظام .. مايبيلها ذي اي كلام ..!!
عموما اخذتها بجنبي ورحت للبيت وهذا انا توني وصلت
وقلت اخذ شوركم واشوف من
اللي حصل عليه مثل موقفي .. ؟!
ووش الإجراء المتبع بهاذي الحالات ..؟؟!
والله يا اخوان انها كارثة ((اشارتين ماهي بوحدة )) ..:hawamer6112
وكنها شمت
ريحة الراتب
حسبنا
الله ونعم الوكيل ،، لكن وش اقول عاد قدر
الله وماشاء فعل ،،
حصل
اللي حصل والحمدلله على مايعطي ويريد.!!
ما استغني عن مشورة ورأي شرواكم ، وعساكم ذخر .