 منذ /07-31-2015, 04:50 AM
|
#1 |
| رقم العضوية : 249 | | تاريخ التسجيل : 4 - 4 - 2008 | | المشاركات : 216,906 | | الحكمة المفضلة : Belgium | | SMS : | |  وش رايكم بهذا الموقف البايخ !!!!
ما ادري اضحك أو ما ادري وش اسوي
كنت جالس في مجلس انا و واحد اعرفه رجل رصين تكانه أو هكذا كنت احسبه
الخلاصه أن هذا الشخص طويل عريض ياقف على زنده الطير
اذا تكلم يهز المجلس هز بصوته
و اذا نطق كلمه واحده كل من في المجلس يسمع له بسبب قوة شخصيته و صوته الجهوري
كنا مندمجين انا وهو بالحديث و شرب القهوه ،
و فجأه !
فجأه
شاهدت صرصور يمشي على طرف المجلس
و يقترب شوي شوي من كتف اخينا بالله :hawamer3212
حاولت انبهه ، لكن مسكت نفسي
خفت اني اقطع حديثه على شي تافه مثل الصرصور
اشرت له بيدي
ما اعطاني بال. واستمر في حديثه.
صبرت شوي ، ما له داعي يا ولد وش يقولون الناس عني !!
و يوم اقترب الصرصور من كتفه ، ما قدرت امسك نفسي خلالاص
و تشجعت و قلت له : و لا قطعت كلامك يا بو فلان ابعد هالحشره عن كتفك و كمل كلامك .
التفت هو بكل رصانه و هدوء الى كتفه الايمن
ثم
ثم
اعوذ بالله اقشعر بدني و وقف شعر راسي مما حدث
اذكر اني سمعته يصرخ صررررخه طوووويله مثل المصريات اللي كنا نشوفهن بالافلام ! و نط. نطه قويه مرررره و ما كنت اشوف الا رجليه و يديه طايره عند السقف ، و نعاله اكرمكم الله و حده يمين و حده طارت شمال.
وقفت انا من الارض و كانت ثيابي عليها قهوه ،
و سمعت صوته يشتمنى و يلعنني بأسواء الالفاظ و العبارات و كان الناس يحاولون تهدئته
تستطيع المشاركة هنا والرد على الموضوع ومشاركة رأيك عبر حسابك في الفيس بوك
|
|
|  |