 منذ /09-11-2015, 12:44 AM
|
#1 |
| رقم العضوية : 249 | | تاريخ التسجيل : 4 - 4 - 2008 | | المشاركات : 216,906 | | الحكمة المفضلة : Belgium | | SMS : | |  الا يا مل قلب زاد همه يعـــانـي من تفرق شمـل الأمــه
الا يا مل قلب زاد همه
يعـــانـي من تفرق شمـل الأمــه
تفـــرق شملهـم بعـد التضامــن
ومن بعــد التفــرق وش يـلمــــه
ألا يا معشر الإســلام عـــودوا
لمبدانـــــا الحنيف بكـــل هـمـــه
تحدتنا الفتن مــن كـــل جــانب
وعـــدو الــديـن قـام يبث سمـــه
وكل أهدافهم هـــدم المبــــادي
وليقـــوا فالعـــرب بيــاع ذمــــه
يصفق للشعارات الرخيصــــة
يبـــــي نجــــل العيـــون تلد يمه
ويدعــــوا للسفــور و للتبــرج
ويقول إن الحجاب أصبــح مذمه
وتحـريــر المَرَة واجب عـلينـا
نلبسها الخــــواتــم والأزمـــــــه
وترمـــي بالخمــار وبالعبايـــة
على شان الهــــوا الــطيب تشمه
وتلبس من ملابسها القصيـــره
تســـرح شعـــرهــا والا تـلمـــه
وتعمل فالمتاجر والمقـــاهـــي
كذا تصبـــــح مـــواطنـة مـهمـه
وفكره فكر علمانــي معاصــر
على الخســـه نبت لحمــه ودمه
بدنياه الزهيـــده بــاع دينــــــه
وضيع درب أبوه ودرب عمــه
وقف ضد المروّة والكرامـــــة
يجـــر الشـر لأخــواتـه ولأمـــه
وفرايــــه هذا مــبدا التســاوي
عســـى الله يخــرسه ويسد فمــه
وحنّا ديننـــا شــامـل وكــامــل
لمـــن طبــق تعاليمـه وضمــــه
حفظ كل الحقـــوق لمجتمعنـــا
وصان العرض عن غيبة ونمـه
وذم الاختــلاط ومن دعـــا لـه
وعنــه أنــذر بــداهيـة مطمــــه
إذا رجـل ومَرَة صاروا بخلوه
بليــــس يـخمهــا ولا يخمــــــه
وتصبــح مفسده ماهي بسيطه
كما اللــي شال شــره في معمه
ومنـع الاختلاط أفضل وسيلة
وتطبيقه يحفظ أعرض الأمــــه
وبعض الناس ما عنده عزيمة
إذا شاف الخطا وجهه يغمـــــه
ولا تسـقط عن الرجل القوامة
ودين المسلم الواعـــي يهمـــــه
وبنصح كـــل مسلم فيه غيرة
وأقول أخــــر دوا ميسمك حمه
يقولون أخــر الطب الكوايـــة
إلى زاد المـــرض كيفه وكمـــه
ترى الراعي مكلف بالرعيــة
ليهمل حفظهـــا ربـــي يذمـــــه
وبنصح كل مسلمــــه عفيفـــه
شريفة سمعها عنهــــم تصمــــه
وتبقى جوهره دايم مصونــــه
وتحفـــظ دينهــا وتسيـــر قمــه
وحنّا ديننا ديــــن الـعــدالـــــه
وثوب ضافـــي جنبــه وكمـــه
وحكم بلادنا حكـــم الشريعـــة
وفيه العلم بحر عذب جمــــــه
عسى الله يحفظ أنصار العقيدة
ومبدانا الحنيـــف الله يـتمــــــه
ومن ينهى وبالمعروف يــامـر
عسى لن جت عقوبة ما تعمــــه
وصلى الله على الهادي وسلـم
عدد نـــو المزون المـــدلهمـــــه
نبـــي خصــــة الله بـالرسالــة
وصـــــار من أمته قــــادة وأئمه
تستطيع المشاركة هنا والرد على الموضوع ومشاركة رأيك عبر حسابك في الفيس بوك
|
|
|  |