السلام عليكم
الموضوع يا الوجيه الغانمه بسيط الي يقدر يفيد يا هلا و مرحبا
والي مثلي يصف معي
ودي سلكم الله
بمصدر دخل ثاني غير الراتب الي اصلن منتف تنتيف من البنك
والبنك يمولني كـ قرض لـ 70 الف ( لأن علي قرض سابق )
و عندي أخواني شباب توهم صغار بسن وماودي أنهم يمشون بدرب
الوظيفة الصدق ودي أني أعلمهم على الشغل و كيف يفحط ويشقى على عمره
اكبرهم باقيله سنيتين ويخلص الجامعه ولا جت اجازة ولا عطله تقاط هو و اخوياه
وطلعوا الامارات ورجعوا
طبعا انا لا رحت ولا طبيت الامارات خير شر
يقول لي والله يا رخص
بقطع الغيار
قطع البدي الخارجية رفارف و و ...الخ
ويتكلم عن اشياء كثيرة
طبعا بعد بحث طويل
قررت اطلع سجل استيراد قطع غيار سيارات
طلع من الشروط ان الدولة تكون مصنعه والامارات خبركم مستوردهـ
والصراحه الفلوس الي بنشتغل فيها هي مبلغ الـ 70 من القرض السابق
لسداد دين على الوالد اطال الله بعمرهـ نبي نقفل له لو قرض من القروض الي عليه
فـ ودي أني هـ الشي يكون درس لخواني كلهم لني جمعتهم وقلت
بتطلعون كلكم سجلات تجاريه انت يا فلان هاوي الكترونيات يصير ذا تخصصك وشغلك
ونت يا فلان تحب السيارات وغثها يكون تخصصك
وكلكم تشتغلون عشان تردون دين ابوي جزاهـ الله خير زند الواحد منكم
يمشي عليه التيس واي شي نبيعه نصبه صب للبنك عشان نقفل قروضه
بعدها تكنون تعلمتوا كيف هو شقى وتبهذل علينا ونتم بعد شقيتم طريقكم بدنيا صح
بعدها نقفل الي عليه ويبدا الشغل منكم ولكم ويمكن بعد الله تصيرون انتم فال الخير
عليه وعلي انا بعد
لاكن بعد جوله طويله بـ الانترنت لقيت كل واحد يغني على ليلاله
انا ودي اسوي شي لي ولبوي و اخواني شي شامل وناوي اتحرك
بأي طريقه بس شلون ؟؟
وكيف ؟؟
وشو الشي الي اقدم عليه ؟؟
مدري !!
ودي الي يقدر يفيدنا بشي يتفضل
مشكوراً
تستطيع المشاركة هنا والرد على الموضوع ومشاركة رأيك عبر حسابك في الفيس بوك