جتني تسلم في سلامه عمى عـين = ياليت ربي فـكـني من ســلامـــــه
مدت يمينٍ ساعـدتها الشياطــــــن = وزودٍ على ضغط اليمين ابتسامـه
ثم اكـشفت وجهٍ حوى كامل الزين = بدرٍ تجـلى عن سواد الغمـامــــــه
وقالت بصوتٍ بحه الهـــــم والبين = والحزن واضح في ثنايا كلامـــــه
وينك ثمان اسنين مالك عـنـاوين ؟ = ولا لقـينا بالوطن لك عـلامـــــــــه
درت البلاد ودرت كل الـميـــــادين = ودرت الشمال ودرت ونجد تهامه
تركـتني واقـفـيت مثل الشيــــاهين = حـطمت قلبي واسود الوقـت ظامه
لازال حـبي لاجـيٍ بالـشــرايـيـن ؟ = والا خــذا قـلبك فــريد الـعـــدامــه
وتبسمت والدمع وصل الشفـاتيـن = والياس ركـز بالضماير خيامــــــه
وسحبت انا يدي وغمضت بالعين = وابعدت عن درب الخطا والندامـه
حـماني الله في ثلاثٍ مع الـــــدين = العقل والعـفه وخوف المـلامـــــــه
(نديم المجره)
تستطيع المشاركة هنا والرد على الموضوع ومشاركة رأيك عبر حسابك في الفيس بوك