السلام عليكم
الله يعوض على من خسر
بالسوق ومن هو كسبان ومروق انتبه باقي بعد الميزانية وخضخضة اسعار النفط الاهم منها كلها اعلانات الشركات ومثل ما انتم عارفين ربعنا مايقصرون قبل الاعلانات رفع وبعدها عينك ماتشوف الا السقوط المظلي ، كوضع عام للمؤشر العام سلبي مهما حاولوا معه بالشركات القيادية
ولو تلاحظون مسكوا المؤشر فترة بسابك وبعدها هبوط مع هبوط سابك فوق 200 نقطة عادوا ووازنوا امور المؤشر بالكهرباء والغاز وشوي بالاتصالات واليوم اللي بعده هبطت الكهرباء والغاز ورجعوا وازنوا الامور بالانماء ورجعوا هبطوا وفيه شركات سجلت قيعان لمن لم يلاحظ والاغلب شركات قوية مالياً وش المبرر لقاع جديد الله اعلم ، مع الضغط المستمر على القياديات ولعب بالعرض والطلب ورش للاسفل بلمح البصر ومن ثم تركيع وتسجيل لقيعان جديدة .
الحين اشغلوكم بالتامين وارتفاعات مع بعض الخشاش ، ما اقول السوق كله سلبي فيه شركات بتخالف اكيد لعدة امور اقفالات اعتبارية سنوية شهرية اسبوعية وهبوط على امل العودة مرة اخرى لها .
من هو خارج السوق نصيحة لاتفكر تحرق مالك ، ولو تفكر تدخل راجع حساباتك واجعل وقفك قريب من مشتراك ، ومن هو بالداخل ضارب لو فيه مجال او أنتظر لعلها تفرج بإذن الله الكريم .
تابع نقاط سهمك فقط بدون المؤشر فالاسهم بصفة عامة بعضها يخالف المؤشر والبعض راضع مع المؤشر واي هزة قبل المؤشر يهبط .
وفقكم الله
تستطيع المشاركة هنا والرد على الموضوع ومشاركة رأيك عبر حسابك في الفيس بوك