كلن نهار العيد عايد حبيبه = و إلتم شمل اهل القلوب المواليف
و انا حبيبي غايب الله يجيبه = يا حسرتي و ان غلق العيد ما شيف
مصيبتي يا كبرها من مصيبه = لاشفت غيري في اناسه و تكييف
فرقا الاحبه ياجماعه صعيبه = تالي العهد بصويحبي العام فالصيف
يا وين اشوف اللي وصوفه عجيبه = ويلي عليه و لو لحقني تكاليف
ارب قلبي منه يبري لهيبه = لااشاهده يا ناس يستانس الكيف
جعله نصيبٍ لي و انا من نصيبه= هذا منى قلبي و من غيره امعيف
المستريح اللي حبيبه قريبه = ما هوب مثلي عيشته بالتكاليف
من لامني فالزين ربي حسيبه = تلوم قلبي في حسين التواصيف؟
كف العذل ماطيع ماهي غصيبه =ما تدري ان راعي الهوى قلبه اصخيف؟
معقول اقول إنك مثل بدر شعبان = بالعكس قلنا بدر شعبان مثلك
الفرق واضح بينكم عندما بان = نوره بعيني يعتبر مثل ظلك
الحسن اخذته والقمر ويش كسبان = اصعد محله فوق ينزل محلك
اشرق جبينك واشرقت دور ذهبان = وش عاد لو تشرق عليها بكلك
يتعانق الريحان والبن والبان = والسيسبان الوان عطره تبلك
والتبر والكثبان و الجو طربان = واهل البلد كلٍ برمشه يظلك
ورا جبال كنها جناح غربان = تحميك ما يقدر عدوك يذلك
بالشوق بالاحضان شيبٍ وشبان = تمرح معاهم واسكن بقلب خلك
تستطيع المشاركة هنا والرد على الموضوع ومشاركة رأيك عبر حسابك في الفيس بوك