 منذ /05-19-2016, 02:11 AM
|
#1 |
| رقم العضوية : 9523 | | تاريخ التسجيل : 23 - 9 - 2008 | | الجنس : ~ الاهلي | | المشاركات : 155,340 | | الحكمة المفضلة : Canada | | SMS : | |  زميل لي فشلني بحركاته وتصرفاته بالسفر .. المشكلة انه عزيز وغالي وش الحل ؟
السلام عليكم
يا اخوان عندي واحد من الزملاء للأمانة انصدمت من تصرفاته
سافرنا انا وياه قبل اسبوع وبصراحة ما اعجبني مره مره
بس المشكلة انه حبيب وبيني وبينه امور مادية وتجارية
لكن هذي المره الأولى اسافر معه ولاحظت تصرفاته غريبة واحرجني عند العالم
انا مدري هل هالظاهرة منتشرة او هو الله يهديه فيه عله ولا مني انا العله ؟
الزبدة يالربع ان الرجال كل مارحنا مطعم زين وكشخة يطلع جواله ويجلس يصور الأكل
واذا دخلنا مطعم يجلس يصور اللوحة ويجلس يصور الطاولات ويصور الفندق ويصور الغرفة و و و
مابقى شي ماصورة صراحة حركاته ما اعجبتني ذكرني ببنات الانستقرام صراحة
المشكلة ان الرجال عمره 40 سنه يعني ماهو صغير !!
الصراحة انا مشيتها له بحكم علاقتي معه بس استنقدته واستغربت منه بالحيل
يعني عيب وش هالحركات الاخيرة جاب العيد طلع يصور لوحة مطعم
وعند الباب سيارة عائلة وجاه واحد شباب ومسكة قال سلامات
ليش تصور الأهل !!
والله يا اخوان هذا اللي حصل انا صراحة قلت خله يستاهل بالرغم اني قايل
له لاتصور عندك سيارات عوائل واقفه قدام المطعم !
يعني وش رايكم بهذي التصرفات يا اخوان هل لي حق انقده واخذ عليه
ولا هذي الموضه هالأيام تصوير في تصوير !!
يعني لو عمره بالعشرينات نقول ماشي بس اربعيني
حسيت انه يحب الفشخرة وشوفوني
وانا انسان احب البساطة جدا جدا
عطونا ارائكم ..واشف ع الاطاله
تستطيع المشاركة هنا والرد على الموضوع ومشاركة رأيك عبر حسابك في الفيس بوك
|
|
|  |