مساء الخير.
السالفه ومافيها كنت اعالج ولدي بامريكا وكنت مستأجر بيت عقد سنوي وماخذين تأمين 1650 دولار جلست 3 شهور فقط وكلمني رجل سعودي يبي يعالج بنته وقال ماابي استأجر بالسنه وابيك تأجر بيتك علي قلت له ماهناك خلاف ولكن العفش وشرايك فيه قال بشتريه قلت على بركة الله وقلت ايضا التأمين وشرايك فيه قال اذا طلعت من البيت تقسم التامين على عدد الشهور وكل واحد يحسب كم جلس قلت كذا انتهينا . الرجال جلس 9 شهور ونظام امريكا قبل ماتغادر البيت بشهر تعطيهم خبر عشان يشيكون على البيت ويخصمون اذا تطلب الخصم عموما الرجال بلغني بيطلع في نهاية الشهر وكلمت المكتب عشان يشيكون البيت لانه بأسمي وابلغوني بالخصم من تأميني 1400دولار خرابات وتكسير ولعب بويات بالجدران . اتصلت على
الرجل وقال ماعندي لك شي وانا باقي اسبوعين وبطلع وابيك تحول فلوس تنزيل العفش واخذ ملابس اولادي وتبرع فيها لواحد سوري حاولت اذكره
بالله وعنده طفله مريضه الا ان الرجال قام يعاندني .فورا بلغت المكتب باخلاء البيت وان الشخص هذا مااثق فيه على طول الامن حق الكمباوند غيروا الكيلون . وكرشوه قالوا تبي تكمل بلغ اللي اجر عليك يكلمنا قام يتواصل معي قلت عطني حق خراباتك في بيتي ولا تجحد جميلي اللي ببطنك واعطيتك سيارتي تحت رجلك قال انت مثل الحوثي مراوغ قلت اذا رجعت للسعوديه ابن سعود بياخذ حقي من عيونك . قال طلعوا ورعتي في الشارع قلت انت تتمسكن ببنتك وقت الحاجه يالله توكل على الله .
سؤالي هل انا على خطأ ام على حق .
ثانيا الشخص اتهمني بالحوثي كيف اجرجره عند الدوله .وسلامتكم
تستطيع المشاركة هنا والرد على الموضوع ومشاركة رأيك عبر حسابك في الفيس بوك