 منذ /05-26-2016, 11:46 PM
|
#1 |
| رقم العضوية : 249 | | تاريخ التسجيل : 4 - 4 - 2008 | | المشاركات : 216,906 | | الحكمة المفضلة : Belgium | | SMS : | |  مشروع شاليهات ذهب والكثير غافل عنه
السلام عليكم ورحمة الله وبركاته
انا صار لي فتره طويله أفكر في مشروع شاليهات وبصراحه الفكره جتني من كثر مانروح الشاليهات ونشوف زحمه واقبال عليها غير طبيعي
طبعاً اغلب الناس ياخذونها في الويكند فقط واسعارها تختلف على حسب فخامة الشاليه ومساحته
عملت دراسه عنها وكلها شجعتني على الدخول في المشروع
من ناحية الايرادات لو فقط اشتغلنا في الويكند فقط وبقية الاسبوع مقفله وهذا استحاله لابد يكون فيه تأجير وسط الأسبوع ولو كان اقل من الويكند
الاسعار تبداء من 1500 في الويكند وهذا أقل مبلغ وبعض الشاليهات تزيد عن 3000 احنا نبي نحسب المتوسط بـ 2000
السنه فيها 96 يوم هذي ايام الويكند
لو فرضنا 96 يوم ×2000 ريال الحد الادنى للإيجار = 192000 ريال
طيب نجي لإيام العطل الرسمية عندنا 4 أشهر تقريباً الصيفيه خلونا نحسبها بس على 3 اشهر فقط
90×2000 = 180000 ريال
طيب عندنا اليوم الوطني وعندنا اجازة منتصف العام واجازة الفصل الاول كلها تقريباً 15 يوم
15× 2000 = 30000 ريال
طيب عندنا العيدين مجموعها 8 ايام طبعاً في الاعياد ترتفع الايجارات فوق الدبل
احنا بنقول في الاعياد 3000
3000×8= 24000 ريال
لو حسبنا الايرادات مجموع الايرادات خلال سنه 426000 احسن من ارباح بعض الشركات في السوق ههههههه
هالايرادات واحنا ماحسبنا ايام الاسبوع ابداً يعني تكون مغلقه وهذا استحاله
المهم انا بأذن الله نويت ابداء فيه والحمدلله راصده للمشروع هذا الميزانيه المناسبه وعندي مشروع ثاني تبع الكوش يبي يساعدني ان شاء الله
سؤالي كم تكلفة الشاليه الواحد طبعاً الشاليه الواحد يكون مساحته من 250م الى 400 م احجام مختلفه ويتكون من غرفة نوم الصغير وصالة ومسبح ومسطحات خضراء اما الكبير يتكون من غرفتين نوم او ثلاثه
تستطيع المشاركة هنا والرد على الموضوع ومشاركة رأيك عبر حسابك في الفيس بوك
|
|
|  |