كل سنه وانتوا بالف صحه وسلامه .. رمضان كريم عليكم وعلينا جميعا
طبعا مع دخول رمضان وتجهيزات العيد وترتيب الشقه علشان الزيارات والعزومات والضيوف اللى يمكن من زحمة الايام مش بنشوفهم الا كل سنه مرة .. وده بيخلينا نفكر دايما فى ترتيب الشقه وتنسيقها على افضل شكل علشان الزيارات دى . ومن اول خطوات التجديد فى الشقه هو تجديد الاثاث او (العفش) وده بيسبب لينا ازمه كبيرة جداا واسالونى انا مجربه كثييير الموضوع ده
لكن لقيت طريقه كويسه اننا لما نفكر نجدد الاثاث مهما كان نصوره ونعرضه على موقع بيع وشراء او مواقع الاستبدال
وبمجرد الاعلان عنه بالسعر اللى احنا شايفين انه مناسب فيه هنلاقى اتصالات كثير من ناس برضه محتاجه تجدد عفشها باقل التكاليف .. ووقتها هنقدر كمان نلاقى
اثاث جديد او مستعمل فى حدود المبلغ اللى كسبناه من مبلغ البيع .. ولو حبينا نزيد ونشترى حاجات اغلى مش هتكون الزياده وقتها كثير .. لاننا من الاساس اتصرفنا صح وكسبنا من بيع العفش القديم وبكده هنكون جددنا الاثاث وبدون اى تكاليف مبالغ فيه لان التجديد فى حد ذاته عامل قوى جداا فى تحسين الحاله النفسيه جربى ومش هتخسرى حاجه .. صورى الاثاث اللى عايزة تبيعه ( غرفة سفرة ، غرفة نوم ، مطبخ ،غرفة اطفال ) او حتى الانتيكات او اللوح الفنيه واعرضيها على مواقع البيع وصدقينى هتكسبى كثيير وعن تجربه
وعيشى بقى روح التجديد .. هو احنا هنعيش كام مرة
رمضان كريم وعيد سعيد عليكم يارب