 منذ /07-17-2016, 12:37 PM
|
#1 |
| رقم العضوية : 9523 | | تاريخ التسجيل : 23 - 9 - 2008 | | الجنس : ~ الاهلي | | المشاركات : 155,340 | | الحكمة المفضلة : Canada | | SMS : | |  يالموظف الحكومي الى متى وانت طموحك بالعمل انك تطلع بدري من الدوام واجازة يومين .!
السلام عليكم ورحمه الله وبركاته
لا اخفيكم اني كنت بالسابق اتمنى وظيفة حكومية
لكن من بعد ما شفت الوضع اغلب موظفي القطاع الحكومي
وروتينهم الممل اما تصريف للمراجعين ولا سواليف مع خويه اللي جمبه او تصفح بالجوال
حتى بعض الدوائر الحكومية فيها موظفين اكثر من اللازم وكل واحد جالس صنم في مكتبه
واذا رحته عنده خاف وكأني اطالبه بشي ولا جلس يصرفني لشخص ثاني
لا هناك تطوير ولا خبرات تسجل لهم
حتى بعضهم على بند الاجور وعاجبه الوضع الحالي
واكبر طموح للموظف الحكومي هو الخروج ساعه 2 ونصف واجازة يومين بالاسبوع
والعمل كله اوراق عربي ويمكن بدون كمبيوتر يستخدمه
يعني وش الفايدة المستقبيلة واذا راتبك على مرتبه وحدة فترة طويلة والعلاوة السنوية بسيطه ولا تأمين طبي
انا معك تقولي امان وظيفي لكن وش الامان وانت ما تغيرت لا من ناحيه الراتب ولا الخبرات والانتاجيه
انا بصراحه صحيح موب مرتاح في عملي في الشركة اللي انا فيها
وصحيح اكرف من 7 الى 4 العصر واجازة يوم واحد وهو الجمعة
لكن كل سنه ينزلي كاش ارباح من قبل الشركة وهي تقريباً ثابته
نزلي 15 الف ريال هذة وهي الشركة متوسط كيف اذا هي كبيرة
اعرف واحد موظف حكومي بالمرتبه السابعه او الثامنه
جاء قبول في وظيفة في شركة صدارة والراتب حول 15 الف ورفض
رغم المميزات العرض المقدم من تأمين وبدل سكن سنوي خلاف الراتب
والسبب يقول انا مرتاح بعملي وهو سواليف مع اللي حولة وكل اسبوع يوم ساحب على الشغل والسبب الثاني يقول مشوار الى 4 او 5 العصر
مع انها كلها فرق ساعه ونص !!
طبعاً لا رقيب في نظام الدوائر الحكومية وهو تسجيل الحضور عبر توقيع موب زي الشركات بصم عبر الجهاز
يعني أي واحد يزور توقيعه أي يغطي على خويه اليوم وبكرا يغطي عليه
المشكله كثير منهم ما تجيه عروض مستقبليه لانه بيئه العمل اللي هو فيها ما تطور وتعطي خبرات او شهادات
عكس الموظف في الشركات تجيه عروض مختلفه اذا طور من نفسه في اطار عمله
يعني بختصار في ناس اعمارهم وصلت 50 وهي توها في الثامنه او التاسعه في المرتبه
وفي نفس الوقت في القطاع الخاص اللي عمره في العشرينات او الثلاثينات يستلم حول 10 الف واكثر أي يساوي راتب الملازم أول او نقيب
وطبعاً كلامي يختلف من شركة لشركة
وايضاً القطاع الحكومي من قطاع لقطاع
تستطيع المشاركة هنا والرد على الموضوع ومشاركة رأيك عبر حسابك في الفيس بوك
|
|
|  |