 منذ /07-18-2016, 10:53 PM
|
#1 |
| رقم العضوية : 9523 | | تاريخ التسجيل : 23 - 9 - 2008 | | الجنس : ~ الاهلي | | المشاركات : 155,340 | | الحكمة المفضلة : Canada | | SMS : | |  ما عمري شفت شعب مهايطي وملقوف في شؤون العالم مثل بعض السعوديين .!
السلام عليكم ورحمه الله وبركاته
ترا والله مصختوها في اوردغان وتركيا قسم بالله شفت التطبيل له بالمنتدى
اكثر من ملكنا هو الملك سلمان ولا على الاقل اذكروا محاسن الملك عبدالله الله يرحمه
لكن بذا الحال قسم بالله زودها الاعضاء واللي اغلبهم اللي ينزلون هالمواضيع شيبان
حسيت ان اوردغان البطل القومي للعالم الاسلامي ولا خالد بن الوليد او صلاح الدين
او اشرف الخلق رسول الله من يسمع كلامكم عنه
لكن كرهونا فيه والمشكله مقسمين على احزاب حزب معه وحزب ضده
وانواع والمناقشات ويحسسونك انهم اتراك وهم ماعندهم ماعند جدتي
وتوصل للسب بينهم عشان رئيس في بلد اخر انت مالك دخل فيه
ما عليه نشيد فيه نطبل له بحدود لكن بهذا الوضع المبالغ فيه لا والف لا
انا حاولت ادور وش انجازاته اللي تخلي الناس متعلقه فيه من ربعنا اكثر من أي بلد خليجي مثلاً
واصبح عندهم هوس في متابعته والدفاع عنه اكثر من الاتراك
صح مسلم وسني ووووو.الخ
لكن ما شفنا كلامكم والتطبيل في الملك سلمان وقبله الملك عبدالله الله يرحمه
مرة قلت لواحد في المنتدى عطني مميزات اوردغان اللي خلاك يعجبك وتتابعه عطاني صورة
وهو يطعم سعود الفيصل كيكه ههههههههههه
يعني الحين هذا انجاز توصل للتطبيل له وترا لعلمك طعم ناس مثله في هذا الحفل
بنفس الطريقه يعني مالها داعي كأنكم موب مصدقين انه يطعمه ولا يسلم عليه
هو مسلم ولا انت تشوف هذا شي غريب عليك وهذة مشكلتك
وبعد فشل الانقلاب في تركيا طلعوا المهايطيه اللي سمى ولدة اوردغان والثاني ذبح حاشي
والاخر ذبح زرافه وايضاً واحد اعلن عن مليون ريال لشراء الجوال اللي طلع فيه اوردغان
واخر طلب يد البنت اللي طلعت وكلمت اوردغان
قسم بالله ناس مهبل ومجانين فكرياً
ولو تقوله تبرع للفقراء هنا في هذا البلد واللي ياكثرهم جلس يقول ما عندي
وهو اصلاً تحصل فلوسه غسيل اموال ولا ما تعب عليها الله لايبلانا
ونفس النوعيه في تركيا بالضبط في مصر في السيسي
واحزاب مع واخر ضد
ليش ملاقيف انتم جد والله مصر وتركيا وش عليكم منهم
ياليت تطبيل فقط بل المشكله تشوف ناس معارضه وهنا اللي يخليك تشك بالوضع اللي فيهم اثنينهم
ويحسسونك انهم اعضاء في البرلمان هذة البلدان
طيب تعالوا طبلوا هنا ولا ماحد عطاكم وجهه ولا تشوف الملك ما يستاهل التطبيل
والفئه المعارضه ياليت نشوف لكم مواضيع تطالبون في اقاله وزير وفلان وعلان
وحل وزارة عن وزارة ومطالبات في وضع المواطن من سكن وعيشه ......الخ
ولا وضع الشؤون التركيه والمصريه أهم من الوضع المحلي عندك ولا كيف
اتمنى من ادارى المنتدى توقف هذة المهزلة بالمنتدى أصبح القسم منتدى للسياسه
بل منتدى لتركيا ومصر واوردغان والسيسي
واحذركم وسبق اني قلتها بالسابق في منتديات حجبت من هيئه الاتصالات وتقنية المعلومات
والسبب المواضيع السياسيه في بعض المنتديات اللي طلعت على النص
بسبب الاحزاب وهنا مثلها وبكرا تتفاقم المشكلة بينهم
تستطيع المشاركة هنا والرد على الموضوع ومشاركة رأيك عبر حسابك في الفيس بوك
|
|
|  |