 منذ /08-22-2016, 07:53 PM
|
#1 |
| رقم العضوية : 249 | | تاريخ التسجيل : 4 - 4 - 2008 | | المشاركات : 216,906 | | الحكمة المفضلة : Belgium | | SMS : | |  السيولة هي وقود السوق. ضعف السيولة يعني مع اي عمليات بيع بسيطة السوق ينزل
للأسف من بداية هالاسبوع من امس واليوم ولااعلم عن الثلاثة ايام المتبقية لهالاسبوع السيولة ضعيفة جدا جدا مليارين وميتين مليون ناهيك عن نسبة كبيرة منها تدويرية
لاوجود للطبات ولاحتى العروض
ومع اي عرض بسيط ممكن ينزل سهمك
عزوف شديد عن الشراء او بشكل ادق السيولة غير متوفرة الا عند مجموعة محددة من الصناديق والمستثمرين الطحاطيح
طيب من اللي يبيع ؟
اللي يبيع الصناديق الحكومية لانها تبي فلوس تبي كاش تبي سيولة
ليش ؟ عندنا التزامات خارجية والتزامات داخلية تتطلب هالكاش
بقية الأسهم احيانا تتبع المؤشر يعني لما تقوم الصناديق بالبيع في اسهم كبيرة وينزل المؤشر فطبيعي تنضغط الأسهم الباقية سواء عن طريق مضاربها الاساسي او عن طريق سياسة بيع القطيع فيها
طيب والحل؟
اذا انت مضارب محترف والسيولة خلصت فعندك حل تبيع ربع الى ثلث كمياتك وليس اكثر لما يرتد السوق وترجع تاخذها من جديد من تحت بحيث تقلص الفارق شوي شوي أما إذا أنت مضارب بسيط وعلى قدك أو ماعندك وقت تتابع السوق اول باول فالصبر طيب وهذي الاسعار حتما السوق بيتخطاها عاجلا او آجلا لكن تحتاج وقت وصبر وروقان وهدوء وعدم تسرع في اتخاد القرارات
اللي عليه ديون أو قروض أو شيء من هالقبيل وضعه مختلف والله يعينه
الله يرزقني ويرزقكم ويرزق جميع من يقرأ
ولا تيأسوا فمهما نزل السوق سبق وشهدنا نزلات أشد وأصعب ومع الصبر والهدوء يبدأ السوق يتعافى تدريجيا وترجع أسعارك وأعلى من أسعارك
دائما اكرر هالكلمة واقول اهل العقار يصبرون على وحداتهم السكنية سنة عشان يجنون ربحهم واحنا مانقدر نصبر شهرين !
خلونا نصبر زيهم سنة في اسهمنا وش ورانا :hawamer6312
الخاسر الاكبر هم الهوامير لانهم يبيعون بأقل الاسعار الآن
أهم مافي الموضوع لاتخلي مضارب سهمك يطلع بالسهم ويستفيد من تذبذبه وانت جالس بالعكس خلك منشار ونشبة بحلقه وكل ماارتفع عن سعر اغلاقه اليوم اللي قبله 4 الى 7% انشب له بعروضك ربع كمياتك واذا شالها بيرجع ينزل من جديد ويعطيك نفس الكميات واذا مارجع لاتشيل هم عندك ميتين شركة في السوق نازلة تقدر تسوي تبديل مراكز فيها + ثلاثة ارباع كمياتك لازالت معك
وسامحوني ان كنت طولت عليكم
تستطيع المشاركة هنا والرد على الموضوع ومشاركة رأيك عبر حسابك في الفيس بوك
|
|
|  |