 منذ /08-22-2016, 09:09 PM
|
#1 |
| رقم العضوية : 9523 | | تاريخ التسجيل : 23 - 9 - 2008 | | الجنس : ~ الاهلي | | المشاركات : 155,340 | | الحكمة المفضلة : Canada | | SMS : | |  فساد وواسطات وتلاعب في المخالفات واعفاء بين ناس وناس .. كل هذة في الدوائر الحكومية .!
السلام عليكم ورحمه الله وبركاته
احد الاصحاب يشتغل معقب في احدى الشركات وبحكم خبرته التي تصل فوق 5 سنين في مراجعة دوائر الحكومية
الزبدة يحدثني يقول الدوائر هنا فساد عيني عينك وكلها ما تمشي وضعك الا بالواسطات من حيث المعاملات
خلاف اسلوبهم الزفت في التعامل معك ويصرفونك يوم ويومين وثلاثه ومرات وصلت الى عشر ايام
حتى صرت حافظ اسياب المقر واشكال العاملين فيها ولا تمشي وضعك الا اذا كنت ضعيف شخصية
ولا مسوي فيها فاهم وذكي يعقدونها عليك ويذلونك ويصرفونك يوم بعد يوم حتى اصبحت وكأني مداوم معهم
اخر سواليفه يقولي في المرور وهو ان الشركة عليها مخالفه كبيرة على احد مشاريعهم
تصل الى 60 الف ريال وجلس يطارد بالموضوع اكثر من اسبوع
وكل يوم يعقدونه حتى يهددونه يقولون يمكن تطلع عليكم المخالفه اكثر من 60 الف
المهم يقول دخلت على الرائد حق المرور لعلى وعسى يعفينا لانه المرة الاولى في الخطأ ودخلت وبادرت بالسلام بتحيه الاسلام
ما رد علي عطاني نظرة وكانه يتأفف وقال وش عندك يقول قلتله السالفه
يقول ما بقى الا يهاوشني وجالس يرفع صوته حتى هو الثاني يهدد
واللي هو طلع اللعن من العسكري العادي من ناحيه التهديد
وقال انتم مشروعكم كذا وكذا وكذا حسيت طلع ريحه الشركة
وانا ما قدرت اقول شي لانه يقول اشياء اكثر من معلوماتي اللي املكها ولا اقدر اصدق كلامه ولا اكذبه
قلت خذ رقم المشرف حقي وتواصل معه يوضحلك رد علي بنظرة تقليل قال " انا ما اكلم احد "
المهم يقول وصلت الموضوع لرئيس الشركة وكلمني بنفسه وقال وش اسم الرائد
عطيته اسمه وقال ايه عرفته خلاص بشوف الموضوع
الا اليوم الثاني اتصل علي الرئيس وقال راجع الرائد وان شاء الله الموضوع ينحل
يوم دخلت على الرائد وانا مادري وش اقول هذة المرة المهم يوم سلمت اول ما دخلت
سلم علي ورحب وقال تفضل اجلس وقال نقهويك !!! شوي وقال ما قلتنا انها ابو ...
هو صاحب الشركة وجلس يرقعها وقال هي مشكله لكن تنحل لكن حاول لاتغلطون بالخطأ هذا ....الخ
المهم كنسلت المخالفه اللي تصل 60 الف !!!
يقول طلعت من المكتب موب مرتاح لنهاية القضية اللي تعبت فيها
الا انقهرت في تعامله معي بالمرة الاولى وانقهرت اكثر من المرة الثانية
وشبهم في كلمه تطلق على نظام عسكر في دولة عربية افضل عن عدم ذكرها
تستطيع المشاركة هنا والرد على الموضوع ومشاركة رأيك عبر حسابك في الفيس بوك
|
|
|  |