السلام عليكم ورحمة الله وبركاته
اخواني اللي عنده خبره ينورنا تكفون
السالفة كنت في اجازة مع الاولاد بحائل وفي يوم عيد الفطر ارسلت الولد مشوار قريب على سيارة جده وعمر الولد 16 سنه المهم صار حادث بسيط مع كامري 2014 طبعا كلمني وجيت وقلت للرجال ان الولد زي منت شايف ما معه رخصه واعتبرني انا السواق قال ما عندك مشكله طبعا الغلط واضح على ولدي وانا كنت على استعداد اصلح سيارته خاصه ان ما فيها الا رفرف وشبك وشمعة والكبوت شوي طالع يعني بالكثير 5000 الى 6000 ريال ويوم الله سلمهم الفلوس تروح وتجي الوكاد جاء نجم وحط الغلط علي 100% وطلعت سيارة الرجال ايجار منتهي بالتمليك ومؤمنه شامل وسيارتنا ما عليها تأمين رحنا المرور وطلبوا مني كفيل واحضرت كفيل الوكاد اليوم يتصل علي المرور يقول مطلوب تسدد 26000 الف ريال لان السيارة حسب تقرير الورش طلعت تالف هههههه قلت للعسكري اللي كلمني على وشو هالمبلغ السيارة تصليحها ما يحتاج كل هالمبلغ قلته حولها للمحكمة ماني مسدد شي قال بخلي مندوب الشركة يتواصل معاك...
يا كرام وش السوات والله قهر ادفع 26000 الف على شي بسيط وما ادري كيف حطوها تالف اللي عنده خبره في هالمواضيع يفيدنا الله يوفقكم
تستطيع المشاركة هنا والرد على الموضوع ومشاركة رأيك عبر حسابك في الفيس بوك