بسم الله الرحمن الرحيم
والصلاة والسلام على اشرف الانبياء والمرسلين

اخواني حبيت افتح هالموضوع للنقاش وطريقة تربية الابناء لمن لهم ابناء او لمن هم تحت التربية ومراقبية الابوين ولمن عايش بعض التصرفات التي حصلت لي انا شخصيا وتسببت لي ببعض الامور وقصة اثرت فيني لهداية شاب على يد راعي حلال سعودي

بعد التخرج من الثانويه والدراسه وقدرت اسافر مع الزملاء لبعض دول الخليج وتقريبا هي دوله واحدة قطه ونتوكل على الله ونروح

وانا هنا اتكلم بالموضوع تحت مراقبة الله سبحانه وتعالى وهو اللي بيحاسبني بكل شي قلته او فعلته بالماضي لا اتكلم لمديح من احد او غيره

رغبتي بالسفر اكثرها للسكن في الفندق واحب نومة الفنادق وارتاح فيها قليل اطلع معهم احب الاسواق احب اشوف شي غير

ندخل اماكن رقص وصخب عادي

لما ارجع من السفر احصل الوالد متضايق مع انه ماقال شي بالبدايه واحصل الوالده الله يهديك بس

ولما يجي نقاش ولا كلام ماشاء الله على فلان وفلان عيال الفلاني رايحين يحضرون امسية شعريه في المكان الفلاني والمشكله والطامه الكبرى ان الامسيه اللي يقال عنها نفس الشاعر او المحاضر تحصله بالتلفاز مباشره في الرياض ولا في ديره اخرى والديره المقصوده في مكان اخر اللي رايحين لها فلان وفلان اللي هي جالسه تتكلم عنهم

ولما احاول اقولهم ناظري هم يقولون كذا وهذا هو قدامك بالمكان الفلاني تقولي كلها طياره ساعه ويكون عندهم والا ماعلينا من التلفزيون

كنت احب اطلع دور احب اروح استشكشف الان قرب الزواج والذي لا اله الا هو داج لابعد درجه في كل شي بدول الخليج لا دبي ولا غيرها


خلاصة الحديث ان اباء هؤلاء الشباب يعطون ابنائهم ثقه كبيره حتى في المجالس وين فلان والله رايح يحضر امسيه للشاعر الفلاني ولا رايح مع اخوياه يتشرون سياره وهم رايحين جايين لا شروا ولا شي رايحين طياره بعد

وهم يعلمون ان ابناءهم رايحين يسوون النون ومايعلمون وهالابناء انا اجلس معهم شخصيا يقولون لي بلاوي سووها حتى انا مع الناس اللي اروح معهم ماسوا اللي سووه هم

ويمكن هالشغله اثرت في نفسي كثيرا وفي بعض اخواني لهم نفس السيناريو عيال فلان رايحين كذا وكذا وانتم يارحين كذا وكذا

فنصيحه لكل اب لا تعدم ابنك بالشكوك عطه ثقه والله العظيم اني اعاني من هالمشكله اقسم بالله العلي العظيم الشك اللي ماله سنع ولا له اول ولا تالي

قصة حصلت مابعد الثانويه

اعتقد فترات الشتاء يحصل بعض اقامة الحفلات الخاصه بالاستراحات والمخيمات

ويحدث بعض المداهمات لتلك الاستراحات من مناصحين ويتم القبض على من يتم القبض عليه ويتم سجنه او محاسبته قانونيا

الا ان مجموعة من الشباب مسوينها مسوينها يعني ليست هروب فقط وانما انتقال لمكان اخر وكل شي موجود

الحاصل كان نجمة الحفله شاب والعهده على الراوي والراوي شاب ثقه كان وقتها يرويها لي مايقارب قبل عشر سنوات من الان

نجمة السهره معطيه الله جمال ودلع على قولتهم ونجاح الحفله بحضوره

الا ان احدى الليالي تمت المداهمه وتمت الهروب لمنطقة حول الرياض قريبه لم يتم ذكرها وكانت هناك استراحه ماثثه وكامله وتمت اقامة الحفله واذا باحد اصحاب الحلال انسان ملتزم وسبق لهم الحضور لاحياء حفلات عدة في تلك الاستراحه والله العالم انه يعرف وضعهم وتم طرق الباب عليهم من قبله ولم يتم الفتح وكرر ذلك لين قام واحد وطلع من فوق الباب نعم وش تبي من انت انت من ...

قال يابن الحلال انا جاركم هنا وانتم لاتعزمون ولا شي وطفشان ماحولي الا غنم ومن هالقبيل فقام الشاب بابلاغ زملائه بالكلام اللي حصل واتفقوا بنشوف وش وراه

وتم فتح الاب نعم قال ابي اسهر معكم وافلها وجوي من جوكم لا يغركم اللحيه

ضحكوا ودخلوه واللي اخفى مافي جانبه من كاس او قاروره الخ

احتراما للحيته اول ماخذ مكانه قال وش فيكم فلوها خلنا ننبسط كل اللي موجودين منحرجين منه

الحاصل قال اللي معكم خارجي ولا وطني

قالو له خارجي قال انا ماستخدم الا وطني واتوقع انه لو قالو له وطني قال ماستخدم الا خارجي

ضحكوا اخذ المكيرفون جلس يتكلم وينكت ويمين ويسار وسالفه من هنا وسالفه من هنا

شوي قال ياشباب الحين سوينا وفعلنا ورقصنا وانبسطنا وعقبها نومه

صحينا وش اخذنا من ليلتنا اللي امس ؟

جاوبوني كل واحد يقولي وش اخذ

ولا احد تكلم
قال ذنوب محمله بصحفكم

قال انا باروح لغنمي اكمل نومي جوكم ماش وطلع

الحاصل بعدها بفتره اقيمة عدة حفلات نجمة السهره مفقود

ياناس وينه دقا عليه يمين يسار

احد الشباب بعد ماطلع من دوامه وصادفت وقت صلاة العصر توجه لبيته واذا بالشاب لابس ثوبه وشماغه وخطواته للمسجد

ديور بالسياره يناظره هو والا لا لانه عارف جسمه الا والله هذا هو خويه

وقف عنده سلم كيفك اخبارك امورك قاله مشينا نصلي صلوا عزمه على القهوه وسوالف والرجال تغير ميه وثمانين درجه

سبحان الله جعل الله هدايته في يد هالراعي باسلوب لبق مؤدب عمل بقولة تعالى وادعو باللتي هي احسن

عموما هذا موضوع باختصار وماجال في صدري

والاصلاح يكون باللين لا بالشك ولا يكون بالتجريح بالكلام ولا يكون بالضرب

وفقكم الله

شمس الحب

تستطيع المشاركة هنا والرد على الموضوع ومشاركة رأيك عبر حسابك في الفيس بوك

---

jvfdm hghfkhx lk hgwyv ,ulv hgafhf pjn hgkq,[ l,q,u wvdp []h ,hru uhdaji