كيف طرى لي اشتري 180 مكيف من بنك الرياض تقسيط وهو ماجاء على بالي حتى قبل دخول البنك .
وكيف باعها البنك في اجزاء من الثانية ومن اللي شراها ، ولو ما انباعت كيف بيكون وضعي وكيف بيكون وضع البنك .
طيب تخيل ان جبت الـ 180 مكيف معي البيت كان يمكن جاتني جلطه
هذا لعب مثل لعب اليهود في دينهم .
يقولون عشان يصير القرض حلال وهذا توقيع الشيخ المنيع وهذا اسمه تورق .
بالله عليكم هل دين
الله يقبل العقل ان يكون فيه تحايل مثل هذا التحايل
لمنفعة البنوك ، هذا ربا واضح وصريح بتحايل ولعب
وفي نظري لو تاخذ الربا واضح وصريح يمكن اهون من الكذب ولألتفاف بطريقه يرفضها العقل والمنطق .
تستطيع المشاركة هنا والرد على الموضوع ومشاركة رأيك عبر حسابك في الفيس بوك