 منذ /09-23-2016, 04:40 AM
|
#1 |
| رقم العضوية : 249 | | تاريخ التسجيل : 4 - 4 - 2008 | | المشاركات : 216,906 | | الحكمة المفضلة : Belgium | | SMS : | |  كل واحد يمد رجوله على قد لحافه وبس
تنحصر غالبية مشاكل الشعب في الهياط والبذخ والتبذير والإسراف
طموحاتهم أكبر من إمكاناتهم بكثييييير !
ليش كل واحد مايمد رجوله على قد لحافه ؟
راتبك 7000 عيش حياتك على قد راتبك
راتبك 10000 عيش حياتك على قد راتبك
ليش راتبك 7000 أو 10000 وتبي تقارن نفسك بشخص راتبه 25000 ريال ؟
وتبي تعيش عيشة شخص راتبه 25000 ريال
وتبي موتر مثل إلي راتيه 25000 ريال
وتبي بيت مثل إلي راتبه 25000 ريال
وتبي أثاث مثل إلي راتبه 25000 ريال
وتبي تسافر مثل إلي راتبه 25000 ريال
!!!
البنت إلي من طبقة متوسطة , لا جاها الخطيب قامت تتشرط
تبي مهر كذا وتبي صالة أفراح خمس نجوم وتبي طقاقات وتبي هدايا وتبي بيت خمس غرف
وتبي أثاث من المحل الفلاني وتبي ماركات وتبي وتبي !
ليش ماتمد رجولها على قد لحافها ؟
الله سبحانه وتعالى خلق الناس متفاوتين في المستوى والرزق
قال سبحانه
( نحن قسمنا بينهم معيشتهم في الحياة الدنيا ورفعنا بعضهم فوق بعض درجات ) [ الزخرف : 32 ]
معظم مشاكلنا نابعة من الحسد وتتبع مستوى الآخرين في معيشتهم ومحاولة التشبه بهم ومجاراتهم
فلان راكب لاندكروزر , لزوم أركب مثله لاندكروزر
فلان راكب همر آخر موديل , لزوم أركب همر آخر موديل
فلان سافر سويسرا , لزوم أسافر سويسرا
فلانة كل لبسها وكمالياتها ماركات , لزوم ألبس مثلها ماركات
فلانة فرش بيتها وأثاثها من المحل الفلاني , لزوم أفرش بيتي وأثاثي مثلها
فلانة عندها شغالة , لزوم أجيب شغالة
ليش كل واحد وأسرته مايمدون رجولهم على قد لحافهم , وبحسب رزقهم الذي كتبه لهم رب العالمين ؟
والله السعادة مهيب بالموتر الغالي آخر موديل ولا بالبيت الكبير ولا بالماركات ولا بالأثاث الفاره
السعادة بالقناعة وبما قسمه لنا رب العالمين
مدوا رجولكم على قد لحافكم وبس
تستطيع المشاركة هنا والرد على الموضوع ومشاركة رأيك عبر حسابك في الفيس بوك
|
|
|  |