 منذ /10-07-2016, 02:56 PM
|
#1 |
| رقم العضوية : 9523 | | تاريخ التسجيل : 23 - 9 - 2008 | | الجنس : ~ الاهلي | | المشاركات : 155,340 | | الحكمة المفضلة : Canada | | SMS : | |  🐓🐓 إلى متى بعض المطاعم تستغفلنا في الأسعار !! حبة دجاج مع الرز بـ 55 ريال !!!✨✨
أمس رحت لمطعم مشهور في الرياض وله فروع في الشرقية أنا واثنين من الأصدقاء مالكم بالطويلة ،،
المهم مع نزول الأسعار لا زال يغرد باسعااار خرافية ..
جينا بنطلب لقينا حبة دجاج مع الرز بـ 55ريال
قلت ترا الدعوه رز ودجاج ليش 55 !!
لا يكون الدجاجة معاها جواز أمريكي ..
قال هذي أسعارنا كلم الإدارة
وقلت كم نفر اللحم طيب ؟
قال 88 ريال
عطيته نظرة المستغرب والمتعجب !!!!!
قال مهب أنت أول واحد ..
كلم الإدارة وعطهم مقترحك ..!!
ناظرت في أخوياي قلت وش رايكم ؟
قالوا مشينا بس المطاعم واجد ..!!
حتى من كلام المحاسب مهب عاجبته الأسعار ..
حنا نتكلم عن الكبسة هنا لأن أسعار الدجاج والأرز نزل نزول واضح للكل ورسمي ..!!
المسألة مهب فلوس وادفع لكن فيه أسعار مبالغ فيها بزيادة وفيه أسعار مقبولة إلى حد ما ..
ومع نزول الاسعار والتثشف الحكومي والوعي لدى البعض ،،
ماموقفك إذا مريت نفس المطعم أو مشابهة له ؟
هل تجامل وتدفع ؟ أو تخرج ؟
صور للمنيو حقهم لقيتها بالنت
تستطيع المشاركة هنا والرد على الموضوع ومشاركة رأيك عبر حسابك في الفيس بوك
|
|
|  |