السلام عليكم ورحمة الله وبركاته
المال والبنون زينة الحياة الدنيا
المال وراح في الأسهم وديون وعسانا ندفدف عمرنا لنهاية الشهر والحمد لله على كل حال
اما البنون فرزقني الله بابن بيكمل السنه السادسة من عمرة ولم يكتمل عقلة
هو الحمد لله لا يعاني من توحد لكن فيه فرط حركة وبثاااارة مششته انتباهه
الان هو ليس طليق اللسان وبالكاد تلقط منه سالفة واذا استرسلت وسولفت معه يشطح بك بعيييييد
دورة المياة لحد الان مزاجي مرات يروح الحمام الله يكرمكم ويسويها وطبعا لازم كل شوي تساله ولا ما يروح من نفسه ومرات يعملها على نفسه ولا زالت المعاناه مستمرة لتعليمة
فيه بثارة لدرجه ان اهل حرمتي صارو ما عاد يحبون جية بنتهم
امي اكثر وحدة بارده في الحياة ولا فيه امل تعصب تقول ما عمري شفت مثل ولدك يرفع الضغط
طبعا ولدي يدور أي شي ينرفزك ويسوية واذا عصبت انبسط وتشقق من الضحك
البيت تقعد حرمتي ساعات تنضفة وينكسر ضهرها في ضرف ربع ساعة تلقاه مقلوب وما تلقى محل تمشي فيه
دخلته تمهيدي مليت من اتصالات المعلمات كل يوم يدفون يشتكون من تصرفات ولدي لحد ما طلعتة
اتجهت للأطباء النفسيين جربو عليه ثلاث علاجات مخصصة لفرط
الحركة ولا فاد معة
سلوكيا نتصرف معة وفق استشارات أطباء ولا فاد
ما ادري وش اسوي معة والي زاد الطين بله توه جايني مولود ما اعرف العب معه لانه يغار علي بدرجه مجنونه لين شافني العب مع الولد الجديد يذب علي المخدات ويجي ينطط عندي عشان اخلي اخوه
ما ادري فيه احد مر عليه كذى ولا انا بس
الله يصلح الحال بس
تستطيع المشاركة هنا والرد على الموضوع ومشاركة رأيك عبر حسابك في الفيس بوك