 منذ /10-23-2016, 02:51 PM
|
#1 |
| رقم العضوية : 9523 | | تاريخ التسجيل : 23 - 9 - 2008 | | الجنس : ~ الاهلي | | المشاركات : 155,340 | | الحكمة المفضلة : Canada | | SMS : | |  كيف اقدم شكوى رفع صوت وتعالي ضد مدير مركز مرور في الشرقية .!
السلام عليكم ورحمه الله وبركاته
ما انسى كلام الملك سلمان الله يحفظة في معناه انه يقبل النقد هو ومسؤولينه ووزارته
وهذا دليل على احقيه المواطن في التقدم بشكوى لضد اي جهة يعتقد انه انظلم فيها او تعرض فيها لاذى لأي شكل من الاشكال من كبير للصغير
من هذا المنطق اريد التقدم لشكوى ضد مدير مرور في الشرقية
لمن يريد القصه فهي كالتالي
عندنا سواق وقفوه نقطه تفتيش لانه ناسي استمارة السيارة
رغم وجود صورة منها لكن رفض ياخذها منه العسكري
كلمت العسكري وقلت اقل من نص ساعه اجيك واسلم لك الاستمارة
قال لا خلاص انا برسلها للحجز راجع المرور !!!
الشكوى لله رحت للمرور من تحويله لتحويله من عسكري لعسكري
يوم خلصت قال رح اختمها للمدير وتوكل على الله دخلت على سكرتير المدير قال اصبر مادري ليش
هو اجتماع عندة عندة شي الله العالم وانتظر فوق نص ساعه عشان ختم
وهو بالاخير الختم عند السكرتير مادري ليش اللف والدوران
المهم دخل السكرتير عند المدير شوي ويطلع يقول تفضل
ادخل على المدير يوم اقول السلام عليكم يرد علي بصوت عالي نعم نعم وش مشكلتك
والله حسيت خلال ثواني ان السواق مسوي مصايب بالسيارة او جالس يبيع عرق ولا بلاوي من ورانا وطول هالوقت الانتظار الا دليل ذالك
من ردة فعل قلت خير وش السالفه معصب عرفت بالاخير مايدري وش مشكلتي وجاي محتقن علي مادري ليش
طيب ليش يرد علي بهذا الصوت العالي الا اصوت انا للسكرتير اقوله وهو يسمع
مدخلني عليه وانا احسب انه معه خبر بالموضوع ..
المهم سلم الاوراق له وواضح عليه يدور الزله وهو يطالع وش هذا وليش صورة ومن هالكلام
شوي وقال لا وين الورقه الفلانيه لاتعطونه السيارة جالس يهدد قدام السكرتير يعني اسمع انت
رديت عليه انا قلت طول مخالفات اللي اعرفها واللي تمر علي بنفس هالطريقه وتطلع السيارة بدون تعقيد
والدليل صحه معاملتي انه اللي تحت ما رسلوني بعد ما خلصت الاوراق وعطوني الورق حقه الحجز الا ان المعامله لم يتبقى منها الا ختم
رد علي بستهزاء قال هذا نظام جديد الصبح طلع ساعه 6
شوي يحاول يرقع ويقول للسكرتير رح جب الورقه منهم من تحت وجابها وختمها وخلصت
وقلت للسكرتير بعد ما طلعت وش فيه ذا منفس علينا ومعصب قال يا رجال خلها على الله !!!
المهم يوم طلعت يقولي السواق ليش مدير شرطه زعلان قلت هذا نفر شرطي كذا
ردي علي بعباره مادري اقوله صحيح كلامك او لا
قال ممكن مشكله ديسكاون سلري حكومة سيستم جديد
صرفته لانه مادري وش اقول وكيف وصلهم هالخبر هالاجانب
المهم الحين قلبي يحترق ودي ابلغ عليه شكوى هالمدير واللي هو عقيد واسمه معي
يجلس ينافخ على خلق الله ويتعالى علينا اعوذ بالله كأننا حمير عنده وليس بشر بالتعامل
انا سمعت الامارة المنطقة تقبل الشكاوي هل صحيح ولا في موقع خاص او جهة اقدر اقدم الشكوى لهم
تستطيع المشاركة هنا والرد على الموضوع ومشاركة رأيك عبر حسابك في الفيس بوك
|
|
|  |