 منذ /10-24-2016, 02:32 PM
|
#1 |
| رقم العضوية : 9523 | | تاريخ التسجيل : 23 - 9 - 2008 | | الجنس : ~ الاهلي | | المشاركات : 155,340 | | الحكمة المفضلة : Canada | | SMS : | |  قــريــبــاً ســعــودة الــعــمــالــة الــمــنــزلــيــة .!
السلام عليكم ورحمه الله وبركاته
ما بلعنا توطين محلات الجوالات اللي ما شفنا منها الا رفع الاسعار من السعوديين عكس الاجانب
وعدم انضباطيه بعض السعوديين في العمل لهذا المحلات
وخاصه ان الكثير يعمل تحت ادارة شخص فوقه ويعرف ان هالعمل لا يفتح له بيت ولا مستقبل
يعني تصبيره لا اكثر لانه ليس شغل ثابت ولا له الحلال
وامس سمعنا عن توطين المغاسل بعد
مادري ليش المسؤولين حاطين حرتهم في العماله الضعيفه واللي راتبها ضعيف
ويبون السعودي مكانه وتركوا جميع الوظايف اللي يمسكها اجانب من شركات وقطاع حكومي واللي رواتبهم يفوق السعودي عشرات المرات
يعني حرتهم في محل جوالات والان مغاسل
يعني بكرا بتقنعني انت وغيرك انه بنتك مثلاً بتتزوجها على واحد شغال في مغسله ملابس
المشكله المغسله ليست له بل شغال عند واحد سعودي صاحب الحلال مثل الجوالات !!!
واللي يجلس يطقطق يقول فيها خير ورزق ... رزق اذا كان صاحبها اما سعودي يشتغل ياخذ الملابس ويغسلهم
ماهي رزق هذة الا اذا صاحب الحلال بيعطيه 10 الف
وانا اعرف السعوديين يفضل الاجنبي على السعودي حتى لو راتبه عالي نفسيه من ربعنا
عموماً اعتقد هذا اللي باقي عند المسؤولين من توطين وهي سعودة العماله المنزلية واعتقد قريباً سوف يتم ذالك
بكرا نشوف سواق سعودي وخدامه سعوديه
ويجي واحد يقول وشفيها طيب قل هالكلام لعيالك وخلنا نشوف وشفيها في نفسك
لازم الجهات العليا تتدخل في عمل وزارة العمل لانه عميله للاجانب في العمل وليست مع السعودي
تستطيع المشاركة هنا والرد على الموضوع ومشاركة رأيك عبر حسابك في الفيس بوك
|
|
|  |