واحد من زملاءي في
العمل ، اشترى
سيارة جديده ، ولونها جميل ، يسر الناضرين ، ودخل بها الى داخل مواقف الادارة ، فراءه عند الدخول حارس الامن ، وناده وسلم علاه وقال ، غيرت سيارتك ، ايوه طلع الفلوس ، السيارة هذي
سيارة جميله ، ومريحة ياحظك .
وجانا زميلنا زعلان ، وقال حارس الامن نفسه في سيارتي واخاف لا يضربها بعين .
قلنا له كيف نفسه في سيارتك ، قال انه يقول سيارتك جميله ومريحه ، ايش دراه هو طلعها حتى يعرف انها مريحة ، شكله نفسه تعلقت بها ، اشوف يتابعني بنظره لين وقفتها في الموقف ، وهو مانزل نظره عنها .
وقال اتصلوا علاه يطلع لنا ، ويقول لي مبروك ، الله يعطيك خيرها ويكفيك شرها ، ويقول ما شاء الله تبارك الله على سيارتك .
اتصلنا على حارس الأمن وقلنا له اطلع لنا فيه امر ظروري نباك تجي ،
وطلع لنا بسرعه ، وقال خير ايش فيه ، قلنا له زميلنا ، يقول انه دخل من عندك مع البوابه ، وقلت له سيارتك حلوه وما قلت ما شاء الله ، ومبروك علاك السيارة الجديده .
نباك تبارك له وتقول ما شاء الله ، الله يعطيك خيرهاويكفيك شرها،
قال هالحين متصلين علي ومطلعين من مكان عملي عشان اقول هذا الكلام ، لا ما ني مبارك له ولا قايل له ما شاء الله .
ونزل من عندنا ، ما بارك لزميلنا ولا قال ما شاء الله .
وزميلنا قال ، خلاص السيارة هذي انزلها اليوم للمعارض وابيع ابوها ، كرهتها ، واذا احد منكم يبا يشتريها تراها حلال علاه بالقيمة اللي يدفعها .
صراحة حنا ما حبانا ان نستغل ظرفه ونسومها منه ، لكن يالربع فيه طريقة نقدر نخليه بها يعدل عن بيعها .
تستطيع المشاركة هنا والرد على الموضوع ومشاركة رأيك عبر حسابك في الفيس بوك