الربع عندهم ديوانيه وكنا نسير عليهم اسبوعيا وحن شبه شله بس مومشاركين معهم في الديوانية وحنا النصف...بالعاده عندهم اذا احد عمل عمليه جراحيه من هل الديوانية او يمون عليهم من برا الديوانية يسوون له عزيمه ...انا عملت عمليه جراحيه وبعد 15يوم اتصلوا فيني وقالوا نبيك تطلع معانا رحلة ولزموا علي ونا لسى تعبان بعد العمليه ...انا يعلم الله فكرت انو واجب وعزيمه لي لكن المشكلة طلبوا مني القطه واخزوني الله يخزي وجيههم هاك الليل ودفعتها ..وبعدكم شهر سوا واحدن يعز علينا جميعاً من برا ديوانيتهم عمليه وعملوا له عزيمه وكل من مرض من جو وبرا الديوانيه عملوا له عزيمه ... اناوباقي الشباب دخلنامعاهم في الديوانيه رسميا وبعد اشهر صارحتهم كم مره وصاروا يتهربوا ويقولون انت كنت برا الديوانية ولالك واجب حينها بينما هم كانوا يعزمون من برا الديوانيه ولازالوا ويقولون نبتدي من جديد وكبيرهم يقول انا ماكنت اعرف وش في خاطرك ..يبيني اطلب عزيمه ياعيباه معقول كبيرهم يقول كذا ...لوقالوا ابشر باللي يسرك وابشر بالعزيمه ...لكن سبحان الله جهدهم ضعيف ولاقدر واحدن منهم ينطقها
انا بصراحة سحبت من جلستهم ومخاواتهم لني ماوجدت واحد نشمي يقول ابشر بنطيب خاطرك ولذلك هذولي قلت مافيهم نخوه ولانشامه وجالسن في البيت ...وش رايكم فديتكم؟
تستطيع المشاركة هنا والرد على الموضوع ومشاركة رأيك عبر حسابك في الفيس بوك