 منذ /11-23-2016, 03:00 PM
|
#1 |
| رقم العضوية : 9523 | | تاريخ التسجيل : 23 - 9 - 2008 | | الجنس : ~ الاهلي | | المشاركات : 155,340 | | الحكمة المفضلة : Canada | | SMS : | |  القيلولة
بسم الله الرحمن الرحيم ..
السلام عليكم ورحمة الله وبركاته ..
..
موضوعي يتكلم عن القيلولة عند مجتمعنآ الحبيب
وطرق زيادة ساعات يومك ..
وأنا واحد من اللي يعانون من القيلولة الطويلة ..
مثلآ :
دوامك 7 أو 8 ..
وترجع 2 أو 3 ..
القيلولة المناسبة : سآعة
أذا زادت ساعة ونص .
وراح احكيلكم تجربتي التي ما زالت مستمره مع محاولة تطبيق القيلولة بتجنب جميع المشاكل المحتملة .
أنا واحد أهتم بالوقت كثير وأحاول أزيد من يومي بدل 6 أو 7 ساعات أخليه 10.
( فترة ما بعد العصر الى 11 مساء )
لكن حاولت أزيده بعدم نوم القيلولة ويجيني صدآع رهيب ودوخة وعدم تركيز وثقل رأس ..
وحاولت أنام اقل من ساعتين لكن مشكلتي انام من 2 الى 6 ونص مغرب !!! .
وأعتقد كثير يعانون من ثقل النوم مثلي ..
وجربت البرامج اللتي تحوي منبه معقد .( تجيب لك مسألة حسابية صعبة ولا تحدي عشان ينطفي المنبه )
وقصتي معها قصة .:
.. اول ما يدق المنبه احاول اطفيه ووقت تجيني المسالة الحسابية أعصب وأفصل بطارية الجوال .!
النوم ما يخلي الواحد يعرف نفسه .
وأنتقلت بعدها أحاول النوم من الساعة 2 الى 2 ونص أو 3 .
لكن أقوم وارجع انام بالقوووةة وماعرف نفسي وقتها ..
..
لكن خلال هذي الايام بصدد تطبيق طريقتين أذا ضبطت برجع أقولكم ..
اللي هي :
صحيح أن الأولى غبيه بس من القهر اللي يجيني وقت اقوم الساعة 6 وتفويت الصلوات ونصف اليوم
1 - تجهيز مؤقت فقط: فلفل حار بجانب الفراش وقت اقوم بعد ساعة من نومي أكله .
وبعد أيام تتعدل الساعة البيولوجية ويتعود الجسم على النومه القصيره غصب . وأنام واقوم زي العالم
2- صاحب لي نصحني بتطبيق يقيس بطريقة معينة من خلال نفسك مراحل نومك مابين الخفيف والوسط والعميق وسبب صداع الواحد ودوخته وقت يقوم بالنوم المتوسط أو الثقيل .. والتطبيق هذا يخليك توصل لآخر مراحل النوم الخفيف ويقومك .. يعني تقوم كأنك نايم كثير ومافيك صداع ولا دوخة وتركيزك فل الفل .
..
أخيرا ما استغني عن اقتراحاتكم وتجاربكم للي عدلوا نومهم وصار ساعة أو ساعتين بالكثير علمونا أساليبكم
ولا أنسى فيه ناس كثير ينصحوا بالحجامة لكن ما جربتها .. ومو كل واحد يعرف يسوي حجامة مزبوط ..يمكن يعدمك
تستطيع المشاركة هنا والرد على الموضوع ومشاركة رأيك عبر حسابك في الفيس بوك
|
|
|  |