الوالد
الله يحفظه ويشفيه عمره في السبعين قبل مرضه وطيحته طلب مني ازوجه اي وحده بس تخاف
الله فيه
امي عايشه
الله يحفظها لكن من سنوات ما ينامون في غرفه وحده بينهم مثل الصد والفرقه واحتمال بسبب كبر السن والله اعلم
وحسبي
الله ونعم الوكيل على من تسبب في اذيتهم
قلت لبوي انت زوج نفسك ودور واسأل ابعدني عن الموضوع ما ابي اكسب غضب امي ودعوتها علي واخاف ادخل شر لبيتنا بدل ما افعل خير ينقلب شر
بعد طيحت ابوي صار يفكر كثير في الحرمه
واذا طريت له الزواج فرح
رغم كلنا حوله ومانقصر لكن الزوجه غير
وامي ما اظلمها هي بنفسها مريضه ويالله تقوم بعمرها
مرض ابوي اغلبه نفسي وخوف ووحده اكثر ماهو عضوي
بخصوص الجلطه الحمدلله خفيفه وعدا مرحلة الخطر
بدء يحرك رجله لكن يخاف يوقف عليها
ويحرك يده اذا نسى نفسه مثل كح او عطس او تثاوب القاه رافعها ومنزلها ويحرك اصابعه واذا انا طلبت منه يحركها يقول ما اقدر
واذا قلت له تبي العرس لازم تحاول تمشي وتترك الخوف
وانا ادور لك
فكرت بعد ماربي يشفيه ويمشي ادور له مسيار في نصف عمرها لكن اذا مالقيت وش السواه مستحيل ازوجه اجنبيه
في هذا العمر ماتبي منه الافلوسه وترميه
ماراح تحن عليه وتخدمه كونها زوجه وبس
بخصوص الزواج المعلن مافيه امكانيات ولا بيت متوفر
ومستحيل اقهر امي
عطوني رائكم بدون انتقاد او تهجم وحطو نفسكم مكاني
واذا لقيت ردود جارحه راح اطلب من المشرف يحذف الموضوع
تستطيع المشاركة هنا والرد على الموضوع ومشاركة رأيك عبر حسابك في الفيس بوك